== قالو ان الظبي ماخلق في راسه عراش ==

[عبدالله بن راجس]

لكم كل جديد للتواصل مع منتدياتنا الغاليه

بيني وبينك ترى إن مامضاش(ن)ِ مابقاش = ياوحيد الروح ماعنك فالدنيا غناه
*يامناتي في حياتي إذا الدنيا معاش = والله إن مالي بدونك بها الدنيا حياه*
العروق اللي بكبدي على وصلك عطاش = يابخيلِ زود بخله يعلي مستواه*
الغلا لاجلك وينساق لك والا بلاش = أشهد إن من يعشق الفقر ماشاف الغناه
*والله إني مااحسب إن قبلك ظلوعي هشاش = لين بانت ونتي لك معَ كل اتجاه*
* آه الا يالوعتي منك ياعسر المناش = كل جرحِ من فراقك وبيدينك دواه
قالو إن الظبي ماخلق في راسه عراش = قلت ياوجدي من الظبي حظ إللي لقاه
*إنشدوني شوفة الظبي سكره وانتعاش =في خفوقي عمّر الظبي له قصر وبناه
طرف من عيني لحافِ وطرفِ له فراش = إيتظلل بي من الشمس وانعم في دفاه
هاذي علومي من أجله وهذا العلم كاش = لايوصيني ولا أحتاج من يمه وصاه

[بقايا عاشق]

الشاعر القدير / عبدالله بن راجس

صباح يلتحف القافية
ويرفرف بين طياته الجزل
أجدت فلله درك
صح لسانك وسلم بنانك
في انتظار روائعك القادمة .!

ازداد ثقه كل يوم بـِـ أن الشعر لازال بالف خير ..


تقديري واحترامي لكِ
وتقبل مني أجمل التحايا .

[عبدالله النعيمي]

صح الله لسانك يبو هادي على هالجزلة واعتلى شانك , اخوك عبدالله النعيمي

[قديم الشوق]

ارررحب يا ابو راجس

ومن طول الغيبات جاب القصايد

غبت كثيرا ً وأبدعت كثيرا ً

وأتيت بمايشفع لك هذا الغياب

صح لسانك على هذه الشامخة

قصيدة جزلة من شاعر جزل وقدير

نتمنى المزيد من هذا التواصل العذب

وتقبل فاائق تقديري واحترامي

[لون الثلج]

:

عبدالله ابو راجس..

صح لسانك ميلاييين ..قصيده روعه ..

إح ــترامي لك..

.

[مياده]

عبدالله بن راجس

قصيدة رائعه جداً

وأسلوب شاعري مميز

مشكور اخوي على هالإبداع

وتقبل مروري واحترامي