يارب ... تخلي لنا البنات (سكر الحياة)

[سحابة عطر]

يارب تخلي لنا

البنات

سكر الحياة

ليش ذاب الصدق بقلوب الرجال ؟!

ليش انا قبل الزواج كنت اناديها "الغلا "

وكنت اناديها "الغرام"

و "بعد أُمي وابوي"

و "ضحكتي ... وابتساماتي ... وبلسم جرحي المفتوح وجروحي"

وعقب ما ربي جمعنا ...~

واجتمعنا

وصرنا أُسرة

وصرت انا واياها جميع

نصحى وننام

ونشرب بكاس الغرام

ويوم اناديها تجيني ما تأخر

وتقول "ســم...! "

و "لبي قلبك يا بعد قلبي انا"

صرت اناديها عقب ذاك الغلا

"هيه... وينك يامره...؟!"

ليش انا قبل الزواج كنت اكلمها

واسولف

واقضى ساعات وزمان

واحتريها

وحتى لو تأخرت ... او اخلفت ميعادها

ما ازعل عليها

لاآآآآ

ولا حتى اعاتبها شوي

وكنت اشوف عيوبها بعيني جمال

ونقصها بعيوني هو معنى الكمال

ويوم صرنا مع بعضنا

لو حكت لي كلمتين

او سولفت ... او مازحتني وضحكت

قلت :كافي ... بس ... ما ابي قلة ادب

" واعتقد يكفي كلام وبربرة ...!! "

يااااااااااااااااااااااهـ !!

بعد ماكان الحكي بشفاهها ينقط عسل

صار بتاليها حكي...؟!

لآآآ

وليته حكي ...

صار اسمه " بربرة ...أو ثرثرة...!! "

ليش اراضيها منوّليوم تزعل

وما آتحمل بس لو لحظة زعل

وكنت ادللها

واموت بضحكها

واقول "آسف يا غلاي "

واكتب [اجمل بيت شعر ] لعينها لين ترضى

وعقب ما ربي جمعنا

من تزاعلني اقول لها

" في بليس ... طقي راسك بالجدار أنتي حي الله بقرة...!! "

وربي احنا صدق [[مرضى عشق]]

واشواق

ومشاعر

وعشقنا من دحدرة في دحدرة

ماعرفنا وش معنى البنت ~

ولا عرفنا قدرها

ولا وفاها بصدرها

وما حكينا عن غلاها

ولا صفاها

ولا هواها

ولا دفاها

بس نتكلم على

ثرثرتها

وبربرتها

وحكيها السامج

ما نخاف الله يعاقبنا وهي

عطر دنيانا وهوانا ~

بدونها تظلم سمانا ... بدرنا في خدها ~

وصبحنا في قدها ~

وشمسنا بكفوفها ~

وربي وردة ... يا سعد من شمها ~

وغيمةٍ تمطر حنان ... والحلا في دمها ~

وشكل بسمتها جنان ... والكرز في فمها ~

وبن عمتها المطر ... وغيمة الشوق أُمها ~

و ولد خالتها الربيع ... والزهر هو عمها ~

وخصرها دنيا لحاله ... حظ صدرٍ ضمها ~

وريقها نكهة عسل ... والعطر في كمها ~

وشهي الدنيا اذا مابه بنات...؟!

صحراء مافيها ربيع !

وعيون كاسيها الوجل !

و وجيه ما فيها امان !

وطفل يبكي !

وشيخ يشكي !

ودنيا مافيها رفيق !

وصحبة ما فيها وفاء !

وقلوب ما فيها حنان !

وما احدٍ يرحم احد !

برحمتك يارب ... " خل لنا البنات "

بضحكهم

وهبالهم

وخبالهم

ودموعهم

وشموعهم

ويا حلو تدليعهم

ويا حلو تدليلهم

رحمتك يارب ... " خل لنا البنات"

مماراق لي

من ايميلي

[الساحر]

سحابة سويتي هجوم عنيف على الشاب دون اي انذار مسبق ههههههههههههه
عالعموم لح يكون الرد عنيف (( واثق من نفسه ))

انتظروا جديدي

[بقايا عاشق]

لا تحسبي اصابع ايدينك سوى لو قعدتي أو وقفتي ولا طرتي لسماء

لا يمكن ابد تصبح سوى .


كل الشكر / سحابة عطر

طرح جميل وما اقول غير برحمتك يارب حل لنا البنات
ب
ضحكهم و خبالهم ودموعهم و شموعهم



* و أنتبهي لــِ الروابط اللي في الموضوع .

ومن جديد اكررلك شكري .

تقديري واحترامي لكِ .

[خلود الياسمين]

ههههههههههههههههههه سحوبه
وإختيار ولا أحلي
وكلام في الصميم
تسلم أناملك حبوبه ..,

[سحابة عطر]

هههههههههههههههه
خليتها هجوم عنيف مره وحده يالساحر
طيب
ننتظر جديدك بردك علينا
عااد بشرط نبغااه قوي

[سحابة عطر]

العفو بقايا
مرورك النّير زاد متصفحي نوووور

[سحابة عطر]

الله يسلم قلبك ياسمينتنا
مرورك فاحت عطوره بمتصفحي يالغاليه