أشهد ان جور القرايب أمرّ من حدجـه

[محمد الضرير]

أحبتي : الشاعر محمـد بن صالح بن هـادي الدوسري أعرفه عن كثب ، شــاعر مقـــلّ
لـكن يمتـاز شـعرة بالجزالـة وقــوّة المعنى وبراعــة التصوير ومن غير تكلّف ، لايلجأ
لبعـض المفــردات الرنانـة الجوفاء ، ولا يخو شـعره في الغالب من الحكمـة استأذنتـه
في طرح هـذه الشامخة بين يديكم أرجو أن تنـال إعجابكم وتحوز على رضاكم ، تقبّـــل
الله منـّا ومنكم الصيام والقيام وصالح العمل .. اللهم آمين 0

نخلة(ن) طالت وفي راسها جـات عوجـه = عدّت الشـارع وجـا خيرهـا للـي بعيـد
ادعموهـــــــا بالسنـايـد عسـاهـا تتّـجــــه = يـمّ مغرسهـا ومنهـا القرايـب تستفيـد
مـا رجينـــــا تمرهـا مـن خلقنـا بفرجــــه = مير والله يوجعـك كثـر غلطات البليـد
شـينها لا جـــا قريبـك عنيـد(ن) وعلجـــه = يبـدي الجفـوا لربعـه وللقاصـي وديـد
أشــهد ان جــور القرايب أمـرّ مـن حدجـه = يوجع الرجّال واثقـل عليـه مـن الحديـد
أبعـــد الخطـــوة وخـلّ البـواقـي مدمجـــه = بعدك امن معقّدين البشـر عيـد(ن) سعيـد
عــزّ نفسـك وارفـع الـراس واحـذر تحرجـه = وانصحك من مـدّة الكـفّ للنـذل الزهيـد
راكب اللي لا ابعد الدرب وارمس يسهجـه = المكينة إيت فكس آر مـن نـوع(ن) فريـد
لا اشتغل لا كنّ صوته جـراد(ن) بخرجــه = المراتب بـاردة لـوه فـي الحـرّ الشديـد
وجّهه شرق(ن) ودس بصمته ثـم ارهجـه = يمّ أبـو راشـد وكـبّ الوصايـا والبريـد
عقب ضيقة صدرك الشيخ والله ان يبهجـه = بالجناب الزيـن والعقـل والـراي السديـد
أكــرم العالـم طليـق المحيّــا والـوجـــــــه = الخليفـي وارث الطيـب والعـزّ التلـيـد
ظـلّ غــار(ن) مايقـارن بظـلّ العوسـجـه = الجبـل فيه الــذرى والكـلا والمـاء أكيـد
ياحمــد كثروا هل الـزور واهـل البهرجـه = الصدوق يعيش كنّـه علـى الدنيـا وحيـد
جاوك اهل الكـذب فوق الخيـول المسرجـه = ويش يسوى عندهم طارق(ن) وابن الوليد ؟
فيهـم اللي نافـق بمــدح ديـد(ن) يلهجـــه = وان غرز سبّه ودوّر على ديـد(ن) جديـد
أشهد ان الكذب لا جاء برجل(ن) يسمجـه = ابن عمّ الـذّل حبلـه ذراع(ن) مـا يزيـد

أخوكم/ محمد الضرير

[بروق الشمال]

صح لسان شاعرها المتميز
والله يسلم يمناك اخي الكريم
على اختيارك الاكثر من رائع للقصيدهـ الجزله
بارك الله فيك والله لا يحرمنا من جديدك
دمت بأطيب حال

</b></i>

[محمد الضرير]

المشاركة الأصلية كتبت بواسطة بروق الشمال

صح لسان شاعرها المتميز

والله يسلم يمناك اخي الكريم
على اختيارك الاكثر من رائع للقصيدهـ الجزله
بارك الله فيك والله لا يحرمنا من جديدك

المشاركة الأصلية كتبت بواسطة بروق الشمال

دمت بأطيب حال

</b></i>

أهــلاً وسـهلاً بك أختي بروق الشمال في متصفـح أخيــك

الــذي ازدان بحضـورك ، صـح الله بدنـك أختي الكريمــة

وسلّمك من كل مكروه ، وإطلالتـك حتمـاً هي الأروع 0

لكِ شكري وامتناني وأجمل وأرق تحيّـــــــــــــــة 0



محمد الضرير