مانساه...كود الناس تنسى الليل ومطلاع البدر ؟

[ولد القبايل]

مانساه...كود الناس تنسى الليل ومطلاع البدر
يمـر يـوم .. وكـل يـوم يمر احـس انــي حـزيـن
وامسي على ضيقة صدر .. واصبح على ضيقة صـدر
قالوا: الفرج عقب الصبر .. قلت : الصبر هـمٍ دفيـن
قالوا: الوفي طبعه وفي .. قلـت: الزمـن كلـه غـدر
قالوا: الصدف .. قلت: الصدف ماعشمت طول السنيـن
قالوا: القدر .. قلت: القدر مـن اللـي يـردك ياقـدر؟
قالوا: الامل .. قلت: الامل مثل السـراب اللـي يبيـن
اتلى العهـد وانـا علـى المطـلاع وسـط المنحـدر
قالوا: تشوفه؟ .. قلـت: اشوفـه فـي حلـوم النايميـن
اصحى على شوفه وانـا خـدران واصحـى وآخـدر
قالـوا: وش اللـي تذكـره اذا تنـاولـك الحنـيـن؟؟
قلـت: التنهـاتـه لاطــروه .. والـدمـع يـحـدر
قالـوا: يخونـك ؟؟ .. قلـت: ياكـرهـي لكل الخاينـيـن
لو خاني ضـاع الوفـا فـي النـاس !! .. الاّ مانـدر
قالوا: نسيته ؟؟ .. قلت: واللي له حنى المسلـم جبيـن
مانساه .. كود النـاس تنسـى الليـل ومطـلاع البـدر
قالوا: كم اللي راح من عمرك شقى ؟؟ .. قلت: سنتيـن
عاميـن وانـا اغـرب الخطـوات والقلـب يـحـدر
قالوا: الكدر .. ويش الكدر؟؟ .. قلت: الكدر مثل السجين
ان عاش في سجنه كدر .. واذا طلـع عـاش الكـدر
قالوا: سواتك .. وش يسوي ؟؟ .. قلت: بين الحالتيـن:
امـا توفـى منغبـن .. والا قضـى عـمـره هــدر

[بروق الشمال]

ما اظن تكفيك كلمة مبدع

اتيت بما لاتصفه التعااااابير


اخي المحترم

اشكر تواجدك وكلماتك التي تعبر عن شخصيتك الرائعه





تقبل اعجااابي

[سارونه المزيونه]

مشكوور ع الطرح ونتمنى المزيد

[ولد القبايل]

أختي بروق الشمال (بعد حي وتاج راسي) شرفتي ونقدر أحساسك
وأشكركي من صميم واجداني بمرورك وأعجابك شكرا جزيلا

[ولد القبايل]

أشكركـ على تواجدكـ وحضوركـ المتألق
لكِ مني أجمل وأرق تحية سارونه المزيونه

[ولد القبايل]

مشكورين تحياااتي لكم