==الشعر لاهبت بدربك هبايبه=جند مهماته وجهز ركايبه ==

[عبدالله بن راجس]

لكم الجديد في الوطن الغالي تشرفة بألقها امام خادم الحرمين الشريفين اطال الله بعمره بمناسبة العيد الوطني

الشعر لاهبت بدربك هبايبه=جند مهماته وجهز ركايبه
عليك باللي يرفع الرأس للعلا=اقدم على الجزلات واترك شوايبه
المسأله ماهيب خذني وجيتك=ولاهيب ميرادِ ندور شرايبه
المسأله سيرت رجالِ مقامهم= متعليِ المجد لأعلى نوايبه
يشهد لهم تاريخ نجد العذيه=وفعلِ عتيد العلم مانيب جايبه
قد غنو الشعار قبلي وقالو =قولِ على برهان تفخر طلايبه
مدحِِ على يمه وفي مستحقه = والمدح في راعيه تحسب حسايبه
سلام ياغيثِ ينومس بذكره=غيثِ على شعبه وتمطر سحايبه
من طلعته والزود غاية مراده=في نهج ابوه يحث دايم حضايبه
هذا انت ياللي سيرتك ماتجاهل=سيرت ملك منها المماليك هايبه
خادم بيوت الله ومقدام سنته=ومن خالفه في الحق يدفع ضرايبه
على الطريق اللي بناه المؤسس=الشرع دستوره وعدله طلايبه
عبدالله بن عبدالعزيز اخو نوره=سيف مجرب ماندور جرايبه
عبدالله اللي يعتلي قمة العلا= مليك عزِِ ماتونى نجايبه
عبدالله اللي كلنا في ظلاله = من بعد ظل الله والارواح طايبه
عبدالله اللي عم شعبه بخيره = من دون شعبه مايكثر حسايبه
عبدالله اللي من تبنا الثقافه = والجهل شتت من بلدنا شعايبه
عبدالله اللي فكرته تذهل الدول = ياقف مواقيفِ على كل نايبه
مليكنا حوار الاديان فكرته = فكرت ملك عن كل الافكار غايبه
ولاهي غريبه عند رجل السياسه = حاكم وراه اهل السياسات ذايبه
تعيش ياصقر العروبه وتبقى = يبقى لنا دايم وسلطان نايبه
هذا ولي العهد ذخر ابو متعب = سور البلاد اليا أحتساء في حرايبه
خيره على شعبه وشره على العداء = يبني على راس المعادي نصايبه
والنايب الثاني عسى الله يديمه = فيه الظنون إتجود ماهيب خايبه
نايف راع العوجاء حزام ابو متعب = عوق الخصيم اللي تواقد شبايبه
إبو سعود ومصدر الحق عنده = لولاه كان الحق كثرت خرايبه
سهل الجناب وعند الاحكام صارم = سيفِ على اللي يحسب الدار سايبه
ترجف قلوب القوم من قو سطوته = والليا تصعب لامر ذلل صعايبه
الله يخليكم لشعبِ يحبكم = اليا نشد شعب العرب من عرايبه
هاذي مشاعر شاعرِ ماذخرها = بمناسبت عيد الوطن من صفايبه
وختامها مني صلاتِ على النبي = ولا بيوت الشعر ماهيب شايبه

[مراجن]

المشاركة الأصلية كتبت بواسطة عبدالله بن راجس

لكم الجديد في الوطن الغالي تشرفة بألقها امام خادم الحرمين الشريفين اطال الله بعمره بمناسبة العيد الوطني

الشعر لاهبت بدربك هبايبه=جند مهماته وجهز ركايبه

هذا انت ياللي سيرتك ماتجاهل=سيرت ملك منها المماليك هايبه
خادم بيوت الله ومقدام سنته=ومن خالفه في الحق يدفع ضرايبه
على الطريق اللي بناه المؤسس=الشرع دستوره وعدله طلايبه

عليه أفضل الصلاة وأتم التسليم

صح لسانك شاعر الكبير عبدالله بن راجس
قصيدة رائعة وجميلة
وكلمات خطُت بماء الذهب
تسلم يمناكـ على ماكتبت
وبإنتظار جديدكـ الرائع والمميز دائماً بكل شوق
لك شكري وجل تقديري
دٌمت بحفظه ورعايته

[قديم الشوق]

شاعرنا الكبير / عبدالله بن راجس

صح لسانك ياطويل العمر

وبيض الله وجهك

قصيدة جزلة من قامة شعرية غنية عن التعريف

وما أجمل الشعر عندما يكون في الوطن وللوطن

وعندما يكون موجها ً لقادته العظام

حفظ الله لنا مليكنا وقائد مسيرتنا واخوانه

وحفظ وطننا الغالي من كل مكروه

وفي انتظار المزيد من إبداعك المتجدد

وتقبل فااائق تقديري واحترامي

[إنزوآء انثى]

صح لسانك يآ عبدالله

ماشاء الله ابيات بقمه الروعه

لاحرمنا الله روعتكَ ونبض جديدك

دمت بحب

[أبوفارس المرواني]

أبيات وطنية في قمة الجزاله
صح لسانك

[رمثي رحيمه]

استاذي
عبدالله بن راجس
صح الله منطوقك الجزل ملايين
على هاالشموخ الشعري الغير مستغرب من
ها مة شعرية تتمثل في شخصكم العزيز لاهان
راسك راق لي ماكتبت
تقديري