ياَقلْبيّ آبتًعٌدٍ عَنٍهٌم تًرىّ الليَ فيٌنّي ڪًافٌينٍيّミ♡彡

شمس آلأمل · 22-10-2010, 03:47 PM

أعيش بدنيتي وأهنا مثل باقي البشر سالي
بدون الحب ياقلبي وبدون هموم تڪويني

..

أنا ماعاد فيني روح تبيها تتبعڪ ثاني
انا فيني جسد باقي بدون شعور يحويني

..

على ڪثر القلوب اللي هوينا ماصدق واحد !!
ياقلبي ابتعد عنهم ترى اللي فيني ڪافيني

..

زرعْت الحب فأعماقي وحصدْت جروح تاليها؟؟
وردى هالحظ خاواني ولقى ڪل مايبي فيني

..

ڪثير أحباب حبينا وعطيناهم بدون حساب
ولاخذنا سوى غدرٍ ملا راحات ڪفيني ؟؟

..

وڪثير أسباب تجبرنا بلا حسوفه نخليهم
لأن والله مافيهم ولا واحد ملا عيني

..

ولڪن أڪبر الصدما تجتني من يدين اللي
حسبته غير ڪل الناس ومايعنيه يعنيني

..

هذاڪ اللي تصورته طموح العمر ياقلبي
هذاڪ الليتخيلته هناي وضحڪة سنيني

..

عطيته من دفا روحي قصايد أشعلت ليله
وأنا ما أڪتب لغيره ولا أي شخص يغريني

..

ڪتبت أحلى ڪلام الحب في عينه ولافڪرت
يجي اليوم اللي أستخسر قصيدي في محبيني

..

على مبدا (الخصوصيه) يحاول يبعد اشڪوڪي
وعلى مبدا (الصراحه) ڪنت وڪانت لعبته فيني

..

خذلني للأسف والله وهدم ڪل مابنا بلحظه
وطلع هالحب مايسوى مواطي تراب رجليني

..

أنا ڪنت أحسبه أعظم علاقاتي ولاظنيت
بأن أعظم علاقاتي بخيانة حب تنهيني !!
..

ويـمّـي صاحبي دايم يذڪّرني بوهم حبي
وأقول: ارتاح ياعمي ترى الله عنْـڪ مغنيني !

..

خسرت أصحاب من حولي خسرت الڪل بأسبابه
ألا حسبي عليه الله ڪثر ماهو معنّيني

..

أفاااااياقلبي الطيب...أفا وشلون ترضاها
وأنا من صدمة ٍ بالحب إلى صدمه توديني

..

بدون عناد اسمعني ولا تفتح لي الموضوع
حشا لو تفتحه ثاني لأشيلڪ من شراييني

..

خلاص الحين انساهم وأنا ماعاد فيني حيل
لهم رب ٍ يجازيهم.. ولي رب ٍ يجازيني

لمسة دفا · 22-10-2010, 04:02 PM

غاليتيْ شمسْ الأملْ

نصْ رائعْ
وكلماتْ أروعْ
تسلمْ يدكِ
لكِ وديْ ومحبتيْ
لمسة دفآ
.

زهر البيلسان · 22-10-2010, 10:41 PM

أكاد أشعر بزفرات الألم..

في ثنايا نزف القلم..

الذي باحت به أنامل..

شمس الأمل..

تأثرت بشدة بتلك الكلمات..

التي..

لم تكن عادية بالنسبة لي..

ولا أستطيع أن أمر عليها مرور الكرام..

شكراً لكِ أختي العزيزة..

والشكر موصول لمدادك..

فقد وجدتُ نفسي هنا..

كوني دائماً الإبداع..

نقره لعرض الصورة في صفحة مستقلة

ملك بلا ملكه · 22-10-2010, 11:46 PM

ابداع بكل معاني الابداع كتبتي بأناملك البرّاقه.. المُشعه..

شمس الأمل ... اهنأك على ذوقك الرفيع في كلماتك...

وهنيئاً لنا بنورك الساطع ....
تقبلي مروري ... بود.
ملك بلا ملكه...