البلاليط.. أكلة شعبية لذيذة

[زهر البيلسان]

السلام عليكم ورحمة الله وبركاته..

يعطيكم العافية نواعم منابع الغاليات..

طرا على بالي آكل بلاليط..

ما أدري إذا سمعتوا بهالأكلة اللذيذة من قبل..

أو جربتوا تاكلونها..

هي أكلة شعبية..

مشهورة عند بعض دول الخليج..

أكيد سماهر تعرفها..

تنعمل بالبيض..

تصلح أن تؤكل كريوق..

أو كعشا خفيف..

ما راح أطول عليكم..

خلوني أكتب لكم المقادير والطريقة..


المقادير :

1 باكيت بلاليط ( كيس مكرونـة شعيريـة ) ( نصف كيلو )

3 ملاعق كبيرة من السكر

2 ملعقـة طعام سمن أو زبـدة

3 بيضات

ربع ملعقـة شاي هيل ناعم

ربع ملعقـة شاي زعفران


طريقة التحضير :

- نقلي البلاليط ( الشعيريـة ) في السمن أو الزبـدة

- نقلب مع الزبد أو السمن المقدوح مع إضافة السكر والهيل والزعفران حتى يختلط الجميع و يحمـر لونها

- نصب الماء قليلاً حتى تتشرب وإن أحتاجت بعض الماء نضيف قليـلاً حتى تنضـج

- نغرف البلاليط ( الشعيريـة ) في صحن التقديم

- نخلـط البيض بالخلاط الكهربـائى ونقليـه على هيئـة قـرص

ويجمل الوجـه بوضع قرص البيض المقلي



أتمنى تعجبكم الوصفة..

جربوها وقولوا لي رايكم..

[سحابة عطر]

وعليكم السلام
يعافيك ربي يالغاليه
اكيييييييد نعرفها
وشهيتيني فيها الحين
عاد انا احبها والسكر زياااده فيها تصير لذيذه اكثر
تسلم الايادي الغلا ع الوصفه الشعبيه الحلوه

[احلى عيون]

يعطيك العافيه يازهرة البيلسان
بصراحه نورتيني تدرين اني كنت أظن البلاليط نفس المراصيع عندنا
خمنت من اسمها بسويها ل زوجي وبشوف رايه
تسلمين يالغلا على موضوعك الرائع

[زهر البيلسان]

غاليتاي..

سحابة عطر..

أحلى عيون..

صحيح إن الأكلة شعبية..

وما عاد الحريم يسوونها نفس أول..

لكنها لذيذة ومغذية..

تصلح كريوق وكعشا..

سعيدة إنها عجبتكم..

سحوووبة..

تحبين أسويلج بلاليط وأطرش لج..

ترى حاااااضرين..

أم العيون الحلوة..

سويها لزوجك وخبرينا..

بس إن شاء الله تضبطينها ولا تفشلينا..

[لمسة دفا]

مرة انا جربت دي بس ع الطريقة المغاربية
طلعت حلوة

غاليتي زهرة البيلسان
شكرآ لكِ
تسلم يدكِ
لكِ ودي ومحبتيْ
لمسة دفآ
.

[زهر البيلسان]

ما قلتي لي ايش اسم هالأكلة بالمغربي

حبيبة قلبي لمسة دفا

أكيد دام إنك مسويتها بتطلع لذيذة وشهية

أنا أعرف بعض الحلويات المغربية

وذقتها

مثل الشباكية وكعب الغزال

دفيتي صفحتي بحضورك

غاليتي

تواجدي بقربي دائماً

[عسافه]

اول مره اعرف نها من الشعيريه اسمع يقولوا بلاليط متخيله انه تشبه اللقيمات

زهرة البيلسان

يسلمووو نجربها إن شاء الله قريب

دمتي بصحه ومن تحبي

[زهر البيلسان]

جربيها وما راح تندمين

غاليتي عسافة

تراها أكلة شهية ومغذية وتنفع في كل وقت

إن شاء الله تعجبك

هني وعافية مقدماً

[أوراق ورديه]

تسلم يدك ياحلوه
ع الوصفه اللذيذه
وأكيد بجربها

[زهر البيلسان]

هلا وغلا

بحبيبتنا

أوراق وردية

شفتي كيف صار لنا قسمنا الخاص

عني وعاااافية ع قلبك الطيب

جربيها وقولي لنا رااايك

متأكدة بتعجبك

نورتيني فديتك