عذبوا قلب العطاوي

[العطآوي]

تعريف عن الشاعر:هو الشاعر ياسر بن سلمان السليس العتيبي شاعر وأديب سعودي يكتب في الشعر العامي والشعر الفصيح
يعمل حاليا مدرس في مدرسة الفقارة التابعة لمحافظة الدوادمي

" عذبوا قلب العطاوي "
يازعيم الطيـب عذبـت العطـاوي
..............يوم جيت من المحبـة تشتكـي لـه
بعد ماسليـت روحـي بالسـلاوي
..............بعد ما غنيـت فـي راس الطويلـة
يوم كني في الهوى صرت متشـاوي
..............عود القلـب المعنـى فـي عويلـه
الهوى يـا صاحبـي راس البـلاوي
..............يذبح اللي طاح بـه ويهـد حيلـه
الهوى لا طاح به رجـل ٍ هـواوي
..............صار شكله مختلف عن شكل جيلـه
ما يفيد مـع الهـوى زود المنـاوي
..............لا طبع في القلب ذاق القلب ويلـه
لو يفيد مع الهوى كثـر النخـاوي
..............والله إني لاعتـزي باسـم القبيلـة
وأشهد إني يا رفيقي كنـت نـاوي
..............أترك دروب الهوى وأتـرك سبيلـه
مير صوتك حرك القلب الشقـاوي
..............ثم طرى لي راعي العيـن الكحيلـة
لا ذكرته تختلـط كـل الدعـاوي
..............يرتعش قلبي وأضيـع كـل حيلـة
فـز قلبـي فـزة الحـر النـداوي
..............لاذكرت حبيّبـي راعـي الجديلـة
بلا شعور أسري وأزود في الخطاوي
..............مقصـدي بيتـه ولاشـي بديلـه
دايـم المسـرى عوايـد للمهـاوي
..............كم قضى لأجل المساري نصف ليله
ذيب صدري في ضلوع الصدر عاوي
..............ومن عشق قلبه تحمـل مـا يجيلـه
ذكروني صاحب الزيـن الرهـاوي
..............ذكرونـي فتنـتـي والله وكيـلـه
عذبوا قلب العطـاوي والعطـاوي
..............لا ذكرها هـل دمعـه عزتـي لـه
كنت هنـــــــــــــــــــــــــــــــــــا
العطــــــــــــــــــــــــــــــــــاوي

[إنزوآء انثى]

الهوى لا طاح به رجـل ٍ هـواوي
..............صار شكله مختلف عن شكل جيلـه
ما يفيد مـع الهـوى زود المنـاوي
..............لا طبع في القلب ذاق القلب ويلـه


الله الله عليك يآشاعرنآ

يسلمكَ ربي قصيده جداً راقت لي

صح لسآنك مليون .. وحيآك ربي معنآ

لاحرمنا اطلالتكَ

تقبل مروري / إنزوآء

[العطآوي]

أسعدني مرورك أختي الفاضلة

لكن عندي تنبيه

انا لست كاتب القصيدة

وفي البداية وضعت تعريف للشاعر

انا مجرد ناقل للقصيدة

وأسعدني مرورك وصح بدنك

[شقاوي]

العطاوي

الله الله

صح السانك مليون
على هالرئعة

تقديريـ

[عناوين الدمـوع]

صح لسان شاعرها وسلمت يمينك يالعطاوي على الإختيار الباذخ

عذبة كلماتها كالسلسبيل .. استمتعت بها وسعدت بشهود هذا الجمال

تقديري واحترامي لكما يالعطاوي.