مدري من ألقي عليه اللوم وآعاتب

[سعيد بن ناصر]

مدري من القي عليـه اللـوم وآعاتـب = أعتب على الناس والا اعتب على روحي
يقلون وش فيك وجهك ضامر ٍ شاحـب = والصوت من مدة ٍ خافـتْ ومبحوحـي
قلت اعذرو خافق ٍ فـي داخلـه لاهـب = تطفر على حـرَه الرسـلان وتفوحـي
المشكلـه لاابتـلاك الفاتـن الكـاعـب = واعطيته القلب يسـرح فيـه ويروحـي
يلعب على كل حبـل ٍ فيـك ويضـارب = وتقـول يفـداك قلـب ٍ فيـك مذبوحـي
صوته منى خاطري في وقتي الشاهـب = ومشاهدة نور وجهـه غايـة طموحـي
أنا على نيتـي لا احـذر ولا آحاسـب = القلب مفتـوح لـه والسـر مفضوحـي
ان زل غضيت عنه الطرف ما اراقـب = وادمح خطا صاحبي وآقـول مسموحـي
واليوم بانت مـواري الخـادع الكـاذب = اللي على انقاض حبي شيـد صروحـي
كنت أحسب اني اذا دورت لـه زاهـب = وانه لصوتـي إذا ناديـت لـه يوحـي
واثره ولو كان يوحي الصوت ما جاوب = لاهـو بمجـروحْ قلـب ولاه مقروحـي
الدمع مسفـوح والـدم نـازف ٍ ثاعـب = والذنب مكتوب ومسجل علـى اللوحـي
مدري من اللي على خد الـورق كاتـب = هو دمع عيني سـرا والا دم جروحـي

[زهر البيلسان]

صح لسانك واعتلا شانك

شاعرنا العزيز

سعيد بن ناصر

أعجبني ما قرأتُ هنا

بوح شجي

ونبض قوي

نورتنا بقصيدة غاااااية في الجمال

كُتِبت بمشاعر مؤثرة

وحفلت بمعاني معبرة

سلَّم الله يداك

على هذه الأبيات المطرزة بالإبداع

يعطيك العافية ولاهنت أخي الكريم

أرجو أن تتقبل جزيل شكري وخالص تقديري واحترامي

[سعيد بن ناصر]

زهرة البيلسان :
أشكرك أخيتي على هذا الثناء وهذا الإطراء ، وثقي تماما أن الشاعر لا يمكن أن يبدع مالم يكن بجواره متذوقين وأدباء وأصحاب مشاعر جميلة مثلك سيدتي فشكرا لك بكل حرف جميل أنرت به متصفحي .

[الراجي]

العزيز / سعيد بن ناصر
جميلة هذه المقطوعة الساحرة ... نداها منعش وشعاعها طري
لاتحرمنا من هذا الابداع الفاخر والبوح النادر
اعجبتني جدا .. ننتظر جديدك بكل شوق
تقبل محبتي

[قديم الشوق]

سعيد بن ناصر

صح لسانك يامبدع

قصيدة مميزة من شاعر جزل ومميز

الله يعطيك الف عافية

وفي انتظار المزيد من هذا الجمال

وتقبل فاائق تقديري واحترامي

[العف الخجول]

المشاركة الأصلية كتبت بواسطة سعيد بن ناصر

أنا على نيتـي لا احـذر ولا آحاسـب = القلب مفتـوح لـه والسـر مفضوحـي
ان زل غضيت عنه الطرف ما اراقـب = وادمح خطا صاحبي وآقـول مسموحـي
واليوم بانت مـواري الخـادع الكـاذب = اللي على انقاض حبي شيـد صروحـي
كنت أحسب اني اذا دورت لـه زاهـب = وانه لصوتـي إذا ناديـت لـه يوحـي
واثره ولو كان يوحي الصوت ما جاوب = لاهـو بمجـروحْ قلـب ولاه مقروحـي

ابداعك فرض كلماته على الصفحات السحرية
لاحرمنا الله هذه الكلمات وهذا التواجد
لكـ خالص احترامي

[الطيبة]

تسلم يا مبدع وصح السانك على كل كلمة كتبتها يا شاعرنا سعيد بن ناصر وربى يعطيك العافية ولا تحرمنا من اشعارك الطيبة

[وردية]

قصيدة بغاية الروعة
صح لسانك
استهوتني كل جمله في هذه القصيده



انتظر جديدك

[رمثي رحيمه]

سعد
صح الله منطوقك الجزل ملايين ولاهنت على
ها النص المميز والراقي
تقديري

[سمو القلم]

اشكرك
امتاع وعفة قلم