ادعسي خشم الدلع..........جديدي

[علي عبدالرحمن الأسمري]

صلوا على محمد
بعد طول غياب حضرنا بالجديد لكم مع التحية



كلما ذبْلت عيوني..قمت أشوف الساعـة
وانتظر كم يوم باقي عنك..يـا مِحْرِقهـا

في غيابك شوق..لكن للفـراق أوجاعـه
وفي عيوني ضِحْك..لكن دمعتي تغْلِقهـا

تسهر النجمة معي يوم العـرب هجّاعـة
والسما تسهر معي من غرب لا مشرقها

اشترى قلبي غلاك..وغير حبِّـك باعـه
كل من حاول يقرِّب..قال قلبـي سُقْهـا

ادعسي خشم الدلع وانتي بوسْط القاعـه
خلّي الحِسّاد تـدري ذيـك وش يفْرٌقْهـا

لا مشيتي في سفينـة حبّنـا و شراعـه
علّميهم كيف موج العمـر مـا يغرِقهـا

و اطلبي..كلّي فدا..وأقول سمع و طاعه
لو على روحي قراري..نذر ما تسْبقهـا

ابشري بالعزّ لو روس البشر خضّاعـه
ما نوطّي الـروس ذلّ اِلاّ لمـن يخلقهـا

وساعةٍ ماهي بعندك..لعْن أبوها ساعـة
ماعلى روحي خسارة..لو تغيب.. احرقها


وسلامتكم,,,

[قديم الشوق]

شاعرنا القدير / علي بن عبدالرحمن الأسمري

أهلا ً بك بعد طول غياب

وصح لسانك على هذه القصيدة المليئة بالشعر والجمال

أشكرك على جميل تواصلك

وفي انتظار المزيد من هذا التواصل

وتقبل فااائق تقديري واحترامي

[زهر البيلسان]

اللهم صلِّ وسلِّم وبارك على سيدنا محمد

مطول الغيبات جاب الغنايم

عوداً حميداً وقوياً لشاعرنا العزيز

علي الأسمري

صح لسانك واعتلى شانك

قصيدة جداً جميلة ومعبرة

وفقكَ الله أخي الكريم

ننتظر أشعارك بشغف واهتمام

احترامي الكبير وتقديري الجم

[عناوين الدمـوع]

صح لسانك شاعرنا القدير الأسمري

قصيده وافيه من شاعر متمكن ..عندي ملاحظه بسيطه على البيت التالي:

وساعةٍ ماهي بعندك..لعْن أبوها ساعـة
ماعلى روحي خسارة..لو تغيب.. احرقها

حيث أنك قلت ( لعنبوها ساعه) وكما تعلم أن سب الدهر لايجوز ..فياليت تستبدلها بلفظ آخر يخدم المعنى ويجانب المحظور

أتمنى أن تتقبل ملاحظتي بصدر رحب ..ولك جزيل الشكر وعظيم الإمتنان.

[رمثي رحيمه]

اخوي على الاسمري
صح صح الله منطوقك الجزل والوافي ملايين وبيض الله وجهك
ولاهنت على هالنص الشعري الشامخ والمميز
تقديري

[علي عبدالرحمن الأسمري]

قديم الشوق
صح بدنك ياغالي
مرورك شرف لي
دمت بخير

[علي عبدالرحمن الأسمري]

زهلر البيلسان
صح بدنك اختي
دمتي بخير

[علي عبدالرحمن الأسمري]

عناوين الدموع
صح بدنك اختي
سعدت بمرورك
دمتي بخير

[نداء الذات]

في غيابك شوق..لكن للفـراق أوجاعـه
وفي عيوني ضِحْك..لكن دمعتي تغْلِقهـا

تسهر النجمة معي يوم العـرب هجّاعـة
والسما تسهر معي من غرب لا مشرقها

أسعد الله قلبكـ عرض روعه من الكلمات
*****

[جنون قلم]

ادعسي خشم الدلع وانتي بوسْط القاعـه
خلّي الحِسّاد تـدري ذيـك وش يفْرٌقْهـا

عجبني البيت عشان فيه دعس ^ ^ بيت قوي
تحياتي وتقديري