وحيد الغرام

[سامي احمد]

السلام عليكم ورحمة الله وبركاته

اسعد الله مساكم بالنور والسرور

+
+

انتي أبـد دون خلـق الله تجافينـي=وانا وحيد الغـرام وفيـك ولهانـي
اسهر ليالي غدت من حرّ ما فينـي=وأحسب نجوم السما واشكي لخلاني
قلبي على شوفتك بالليـل شاقينـي=والنوم ما ذوق طعمه دوم طفشاني
أزعجت في مجلسي ناس ٍ تحاكيني=أسرح ولا هوب كره له وحقرانـي
يا ما تخيّلت صوتـك لـي ينادينـي=وأفز له واقـف ٍ والعقـل هيمانـي
شحيت في شوفتي لك يا منى عيني=وانا جريح الهوى هايـم وحيرانـي
مقدر اعيش الغرام اللـي يدانينـي=ما بين شوق و وله بهموم وأحزاني
ما غير حبـك بقلبـي لا تلومينـي=ولو الغلا لي بقلبـك زال حرمانـي
مقدر اعاف الهوى ومثلك يراعيني=وان كان ابنسى هواك أكون غلطاني
والله تعبت وتعـب قلبـي يخلّينـي=وشكيت درب ٍ بضيم وهجر مليانـي
مادام طيفك وصوتك هـم براهينـي=بيّنت لك يا غلا وش كثر عطشانـي
مني رسالة وفا ولهـان تسقينـي=من سلسبيل الهوى مادام طوفانـي
انتي وحيده وغيرك مـا تواسينـي=وانتي بقلبي ولا غيرك به انسانـي

سامي احمد الدحيلان

[شوق البراري]

صح لسانك أخوي سامي
ربي يجعل كل دروبك تساهيل

[رمثي رحيمه]

استاذي سامي
صحصح الله منطوقك الجزل والوافي ولافض فوك
ولاهنت على هالنص الشعري المتميز
تقديري

[قديم الشوق]

شاعرنا القدير / سامي أحمد

صح لسانك وأنا أخوك

شاعر مبدع ومميز

الله يعطيك ألف عافية

وفي انتظار تواصلك الجميل معنا

وتقبل فاائق تقديري واحترامي