نفس المكان

[عبد الرحمن السيد]

أماكن كنا بدخلها والفرحة فى عنينا , وفلحظة والتانية بقينا ندخلها والدموع سبقانا , المكان نفس المكان , والألوان هى الألوان , دا البلاط اللى مشينا عليه , ودا الركن اللى قعدنا فيه , هنا كنا بنقعد نحكى , وهناك كان الشوق فى عنينا , إيه اللى إتغير يادنيا , إحنا ولا إنت بقيتى حاجة تانية , ليه تجرحينا , ليه تفرقينا , ليه تخلى أيامنا ليالينا , عشان خاطرى يادنيا رجعى الأمل اللى غاب عن عنينا رجعى الفرحة حولينا , ما أنت عارفة إيه جوانا , مدى إيدك لينا , عشان خاطرى يا دنيا .

[الراجي]

دوام الحال من المحال .. وسبحان مغيــّر الاحوال ,
أستاذي العزيز / عبد الرحمن السيد
أستمعت بقراءة تساؤلاتك الشجية .. ولن يبقى الجواب غائبا ..!!

همسة **
تمنيت لو كتبتها بالعربية الفصحى ..
تقبل محبتي وتقديري

[عبد الرحمن السيد]

أخى الراجى تحياتى إليك وأشكرك على كلماتك الرقيقة ودعمك الأدبى لى , وأتمنى أن تخير بوافر الصحة والعافية إنشاء الله

[الملك]

الاماكن تحتوينا
وتحتضنا بحنين ذكرياتها
لنشتاق لها اكثر
ونتسائل اكثر
؟؟

اشكرك على هذا الكلام

[عبد الرحمن السيد]

المـــلك
أشكر كلماتك الرقيقة وتفاعلك معى
لك منى كل تقدير وتحية