اقلّها صبري تحشمون شيبه .. .. .. مؤثرة

[صدر الشمالي]

السلام عليكم ورحمة الله وبركاته

اليكم حنان العجمي تتحدث:

الإهداء لتلك القلوب
الزايديه / لولوه الدوسري / أميره الخالدي / ريم علي / صبا الكادي / جنون مهره /كانون الأخير / نوف محمد /عبرات الرحيل /رزان العتيبي /هبوب المشاعر /فلوه القحطاني /الغيد/رابعه البرجس / ريدانة الفهد/ إباء / حفنة أمل / الصقراء / ندى السبيعي/ نجلاء / ريم بنت جاسم / طفلة المطر/ أمل / نوره / ساره / عبير / منى / نوال العنزي / رنا / زهراء . إعذروني إذا سقط إسم سهواً لأني أحبكن في الله يا كاتباتنا وشاعراتنا الفاضلات
وصاحبة القضيه: شوق , مع ودّي وإحترامي

دفعت من عمْر لرضاكم ضريبه
وأنا هنا شوفوني كنّي غريبه!

ما بينكم ماني معاكم ولاني:
لـ احساسكم في يوم أصلاً قريبه

فكوّ قيودي ياهلي بآتوفّق
وكل ٍ يدوّر في حياته نصيبه

وأنا نصيبي كل ما دقّ بابي
وقّفتو بنحره ونحري طليبه!

عييّتو البارح علي ما تبونه
والعذر: ماهو منّنا وش تبي به

الأجنبي ماله حلال ٍ معانا,
من خوف ياخذ هالحلال / ايغدي به

شوفو ولد عمّي وهو لحمٍ ودمّ
سواد وجهه فيني من ماحِكي به؟

ما كل منهو مننّا فيه خيرٍ
حتى ولوّ من ساس جدّه عريبه

مابيه لا منصب ولا جاه شِيخه
برضى بحاله كان مشقوق جيبه

من خاف ربّه كيف م يخاف فيني
وانا تراني بنت ذيب ٍ وذيبه

كبّو حكي العالم وكبّو القرابه
تجاربي ماهي لـ إسمي /بعيبه

مطلقه مرّه عشانه سلوقي
والثاني معلّق بصدره صليبه

وشفيهم المطران حمر النواظر
ولطامة العايل سلايل عتيبه؟

وش في الطنايا قول وعيال زايد
مادامنا أهل وربع والصحيبه

وش في بني خالد ووش في بني حرب
شوفو عذر يقنع عشان أرتضي به

وش فيهم الظفران وعيال وايل
ما كل ذيبٍ يقتني من قنيبه

وش فيهم الغلبا وذباحة الروم
من فيه عيبٍ كل واحد يجيبه

وش في سلاسة هود وأولاد بشرٍ
من طاب من طيبه ومن ما ضري به

وش في تميم المجد بالله قولو
مدام كل ٍ له سند يعتزي به

اهل الطعون اللي وسيعه شبلاهم؟
من ذاق حرتّها يدوّر طبيبه

الكل به خيره وشره ولكن:
بالآخره (هالكلّ) ربّي حسيبه

راح العمر ما بين كرٍ و فرٍ
واشقيت نفسي في بلاوي عصيبه

بختار وأتحمّل نتايج قراري
لاتاخذو ذنبي وأنا بكتفي به

ياما خذلتوني ولا بي سألتو
وياما تماديتو عليّا غصيبه

ياما طعنتوني هنا وما رحمتو
ما يشفع الماضي دموعٍ سكيبه

خلاص خلّوني بحالي /
عشاني
اقلّها صبري تحشمون شيبه
اقلّها صبري تحشمون شيبه
اقلّها صبري تحشمون شيبه

لـ حنان العجمي

[العف الخجول]

قصيييييده قمة بالرووعه ومؤثره
لا عدمنا التميز و روعة الاختيار
ننتظر جديدك بشوق
لك خالص احترامي

[قديم الشوق]

صدر الشمالي

أشكرك على الاختيار والنقل الرائعين

قصيدة جميلة ومعبرة

الله يعطيك ألف عافية

وتقبل فاائق تقديري واحترامي

[صاحبة الإمتياز]

اقلها صبري تحشمـون شيــــــــــــــــــــــــبة
صح اللسانك قصيدة مؤثرة بالفعل
الله يستر ويعف ويحفض اعراض المسلمين والمسلمات والمؤمنين والمؤمنات ويرزقنا عفة وطهر يوسف عليه السلام ومريم عليها السلام
شكرا لك ولك خااص مودتي
صاحبة الإمتياز

[عناوين الدمـوع]

قصيده رائعة بمعانيها وتطرقت فيها الشاعره لقضيه تعكس مدى التناقض في مجتمعنا الخليجي
نرى من يرفض تزويج الرجل الكفؤ لمجرد انه من قبيله اخرى أو أنه أقل حسبا ونسبا كما يحلو لمجتمعاتنا تقسيم أفرادها
وفي الوقت ذاته للرجل الحرية المطلقه في الزواج من الخارج ضاربا بمادئه الاولى عرض الحائط..أين ذهب النسب وطيب الأصل والدين حينما أراد أن يتزوج من مجتمع يختلف عنا كثيرا في عاداته وتقاليده
بل حتى في مدى التزامه الديني؟!!
كم أنت متناقض يامجتمعي الفاضل!!!
بوركت أخي صدر الشمالي.

[الطيبة]

وصح السانك على كل كلمة

[صـمـ الجروح ــت]

سلمت يمينك