قديم الشوق

[خالد بن عاصم]

ياقديم الشوق تفضل طال عمرك ..


بعد مادق هاجوسي نبى نطلب قديم الشوق = عسى راع المعاني يلتفت فالعلم ويغني
نبى نعرف من الخانق نبى نعرف من المخنوق = على عشان الذيابة مايجي في دربها جني

[قديم الشوق]

أرحب ياخالد بن عاصم كل ماجيت وكل مانويت تجي والله يحييك تحية المطر

وتفضل الرد ياغالي :

هلا ياخالد العاصم هلا بك والغلا مسيوق = وعساك بدنيتك يامبدع القيفان متهني
هلا بك كثر مالك في منابع يالرفيق حقوق = تفضل واستلم ردي وإذا غنيت بنغني

[خالد بن عاصم]

المشاركة الأصلية كتبت بواسطة قديم الشوق

أرحب ياخالد بن عاصم كل ماجيت وكل مانويت تجي والله يحييك تحية المطر

وتفضل الرد ياغالي :

هلا ياخالد العاصم هلا بك والغلا مسيوق = وعساك بدنيتك يامبدع القيفان متهني
هلا بك كثر مالك في منابع يالرفيق حقوق = تفضل واستلم ردي وإذا غنيت بنغني

الله يبارك فيك يا قديم الشوق

يدوم إبك البقا ياللي تهلي بي من المعلوق = عدد ماقدِمت للضيف دلة وسطها بني
أنا خلت الخيال اللي يسوقه في سمانا بروق = وإلى جاتك علومي ياصحيبي ردها عني

[قديم الشوق]

ياهلا بك ياخالد وسم طال عمرك :

سلمت وطابت ايامك ياراعي المرجلة والذوق = وعسى ربك يحقق لك جميع اللي انت متمني
وعلومي عفاك وعلومك عساها في العلالي فوق = وإذا هي بالهقاوي هقوتي ماخيبت ظني

[عناوين الدمـوع]

متاااااااااااابعه معاكم ياشعارنا وعساكم على القوة.

[سحابة عطر]

متابعة بصمت

[منيرة الرشود]

ماشاء الله تبارك الرحمن

محاورة رائعة ومشوقة

وبانتظار ..

[ذكريات]

تموج بنا الكلام بينكما... ويغرينا اللفظ.أذا ماتكلم الشوق في قدمه وجاء الهزج موصول من واصل...هنيئا لنا بكما ايها المبدعيان