حياتنا صارت قناة وجوال

[سليمان السلامة]

السلام عليكم

عودة بعد غيبة ومصافحة اتمنى ان ترتقي لإذواقكم الجميلة

سليمان السلامة

ياحالنا اللي صايره شر الأحوال=بالاجهزة ضعنا صغير وكبيري
حياتنا صارت قناة وجوال=وايباد وانترنت وابلاك بيري
ضاع التلاقي والعذر كثر الاشغال=وصار التواصل بالرسايل يصيري
حتى ان تلاقوا كل واحد على حال=كل عيونه في جهازه تحيري
وكان المكان معطل مابه ارسال=لقيت كل وده أنه يطيري
الاجتماع مجاملة والتملمال=واضح عليهم بعد وقت قصيري
ذي حالنا بالوقت حرمه ورجال=وماندري الدنيا بعد وش تصيري

[قديم الشوق]

ارررررحب والله يا ابو عبدالله

ياهلا والله بشاعرنا الكبير / سليمان السلامة

ياهلا بشاعر (يايمين الخير يايمنى فهد)

الساعة المباركة والله

والله يحييك تحية المطر

كلنا بهجة وسرور بهذه الإطلالة الرائعة بعد طول غياب

وصح لسانك على هذه القصيدة الإجتماعية الراقية والمميزة

من شاعر مبدع وكبير في حجم سليمان السلامة

أشكرك على هذا الحضور المجلجل والملفت من شاعر علم كبير

ونتمنى أن يستمر هذا التواصل العذب معنا

وأن تصافحنا دائماً وأبداً بإبداعاتك وروائعك

وتقبل فائق تقديري واحترامي وصادق ترحيبي