ليه تجرحني بـ كـلامك ..

[سامي الشرابي]

القلب الذي يعود من الغربه



لن يجد القلوب التي تركها ..


إحساس جديد سيجتاحه .. يجعله يعيش غربه جديده .

وش بلى حالك تغيّر ماخبرت انك عنيد=ماخبرت اتصد عني يابعد عمري علامك
غبت يومين ورجعت وصار قلبك من حديد=وش خطاي اللي خطيته يوم تستكثر سلامك
كان همسك لي قصيد وصرت ياروح القصيد=تجرح القلب بنظرك وتكمل الباقي بكلامك
انت ماانت اللي عرفته انت متغير اكيد=لاهواك ولا هنّاك ولا فرحك ولا مقامك
وينها ضحكة عيونك ياعسى عمرك مديد=ما زهالي غير روض ٍ فاح به ورد ابتسامك
في غيابي عنك اسولف للقريب وللبعيد=واسرح بوسط السوالف بين جنتك وحمامك
في غيابي عنك ادور من بريد اليا بريد=عن مكاتيب ٍ توصل لي سوالفك وغرامك
ماهقيت انك نسيت وصار لك حبٍ جديد=كيف اصدق شخص غيري صار هو كل اهتمامك
خابرك صعب المنال وما تطولك أي ايد=خابرك مثل السحاب وكلنا نرجي غمامك
خابرك ظبي ٍ جفول وما تسعك الفين بيد=خابر ٍ لك نظرة ٍ تفرض على الكل احترامك
ماخطر في بالي انك عن مساراتي تحيد=او تبدي شخص غيري في عواطفك وهيامك
وانته اللي كنت اقرب لي ّ من حبل الوريد=وكنت انا اقرب لقلبك من شفاك اليا الثامك
موقفك واضح امامي لاتعيد ولا تزيد=يكفي اللي صار منك ومن خناجرك وسهامك
فالمعاند خذ عنيد وفالشدايد خذ شديد=( مااقبل انصاف الحلول ) ( وموقفي واضح امامك )
ليه تسقيني خصام وخاطري منك قصيد=ليه يسري بي جفاك ومنوة ادروبي غرامك
مثل ما قال المثل ماللحديد إلا الحديد=هذه انهاية كلامي يوم تجرحني بكلامك
كان شوفك يوم عيد وصار بعدك يوم عيد= روح عني يغني الله عن محبتك وسلامك

.

[لون الثلج]

:

من جد امام هذه الرائعه

لااقبل انصاف الحلول

سامي الشرابي

صح لسانك

دمت باحترام..

؟

[محمد الفرحان]

.

.

سامي الشرابي

.

.


مبدع بكل حالاتك ورائعه لايكفيها

مرور على عجاله . .

حتما" سيكون لي عوده الى هذا

المتصفح الرائع . . .

غبت يومين ورجعـت وصـار قلبـك مـن حديـد
وش خطاي اللي خطيتـه يـوم تستكثـر سلامـك
كان همسك لي قصيد وصـرت يـاروح القصيـد
تجرح القلـب بنظـرك وتكمـل الباقـي بكلامـك
انـت ماانـت اللـي عرفتـه انـت متغيـر اكيـد
لاهـواك ولا هنّـاك ولا فـرحـك ولا مقـامـك



سامى الشرابى


أتيت بكلماتك على وتر

الجروح وعزفت بكل قوة

صح لسانك عدد بلا مدد

رائع ايها المبدع


نغم

[خالد بن علي]

الله عليك

كم أنت رقيق وحاضر في حروفك

نص جدا شجي

لله درك

[سليمان العقيل]

صح لسانك وتسلم يمناك ياسامي

حضور متألق جدا واروع من رائع


تحياتي لك ولقلمك المبدع

[ونين]

اخي سامي الشرابي

ألف صح لسانك على هذه القصيدة الجميلة

تحياتي

اختك ونين

[قصايد]

00 ســامــي الـشــــرابـي 00

00 نـزف رائــع ... راقــي ...
00 صــح لـســـانـك .. وسـلـم إحـســــاسـك ..
00 كـان لـي شــرف الـتـــواجـــد 00

00 دمـت بـتــألــق 00

[قديم الشوق]

أخي الغالي / سامي الشرابي ..

صح لسانك يامبدع

قصيدة أكثر من رائعة من شاعر جزل

شكرا ً من الأعماق على هذا الامتاع

وتقبل خالص تحياتي وتقديري

أخوك / قديم الشوق

[حماد القريني]

صح لسانك وجاد نظمك

لاهنت ولاهان راسك

تحياااتي