لا والله الا قام يقرب فنائي

[نداء الذات]

لا والله الا قام يقرب فنائي
قمت اتدانا قصر ويطولثوبي
عظم الظهر جاء فيه وضع انحنائي
واشوف كيعاني تخالف جنوبي




وعلوم ن اذكرها وانا في صبائي
ضيعتها بعد تلوت كعوبي
رجليني اللي ثالثتهن عصائي
من بعد فزات الصباء قمت ادوبي
انا الحقيقة مستحيل(ن) بقائي
توجهت شمس العمر للغروبي
عن الكبر مافيه شين وقائي
حقيقة مافيه منها هروبي
مافادني للعز طول انتمائي
الوقت مايكذب انا اللي كذوبي
الشهره اللي خاتمتها اختفائي
وش فايدتها لي بين الشعوبي
ان كان ماجاني جميل الدعائي
حتيش في حتيش لو اهرجوبي
كم غرني طول الامل من غوائي
اخاف ازور القبر قدام اتوبي
في جشر الانفس وانعدام الهوائي
مكان ماحدن جاه غير مغصوبي
يارب عفوك من مغبت خطائي
وانت اللطيف وكل شي محسوبي
ياكثر خوفي منك ساعة لقائي
لاجيت لك وانا محمل ذنوبي
فيك الامل ياخالقي والرجائي
ياساتر العورات تستر عيوبي
انت العليم بكل ارض وسمائي
ما في الشهادة تعلمه والغيوبي

[يوميات عاشق]

كلمات صادقة جدا............... ودي المغربي اليك..................

[نداء الذات]

مرور. كريم

[عاشق ليل]

نداء الذات ... شكرا لك على البوح الأجمل ... تقبلي تقديري .