يــا داااااار م/ 1

أحمد بن ناحل · 26-04-2006, 02:38 PM

السلام عليكم ورحمة الله وبركاته

أسعد الله أوقاتكم جميعاً

يشرفني الانضمام معكم في هذا المنتدى الراقي

وكل الشكر للأخ / محمد الفرحان على دعوته لي لأسعد بتواجدي بينكم

يا دار؛؛؛

يادار أنا بأسألك ويـن المهاجـر=اللي على الفرقا طواريـه عجلـه
ياليتني دون السفر صرت حاجـر=وإلا مشينا الدرب رجلي ورجلـه
ما ملت دموعي ربوع المحاجـر=واستنزلت من بعد ماهي بخجلـه
أحسها من فوق خـدي خناجـر=وأدعي عسى ماراود الدمع نجلـه
الوصل مذنب لكن البعـد فاجـر=ومشاعر اللي يرجي الوصل وجله
وشلون هو بأسهم عذابي يتاجـر=هذا وأنا اللي مرخص العمر لأجله
من يم ربي كل مـا يبعـد آجـر=ومن يم قلبي ويله وطـيَ سجلـه
يا شوق من لقياي كنك تضاجـر=وحيَنت لك ذود(ن) من العام هجله
عشبك صفقه البعد لوهو مشاجـر=أمطر عليه بوصلك العذب واجله
ما شوه الساعـد بريـق البناجـر=ولامات من زود الظما جار دجله
أغلى قصيدي لأجل عينك تشاجر=مافاز به غيرك ولا ينتهـج لـه
للمهـد خـاط وللتوابيـت ناجـر=يولد به العاشق ويلقا بـه أجلـه
ليت الشفاء بنبعه مثل عين هاجر=دامه خليلي وأصدق الوجد نجلـه
وياليت سري تحت حكم الحناجر=لكن دموعي تستبيح الفـرج

وتقبلوا تحيات أخوكم

أحـمـد بن نـاحـل

بسـام بن عبدالعزيـز · 26-04-2006, 02:56 PM

أحمـد

الله عليك

للمهـد خـاط .. وللتوابيـت ناجـر=يولد به العاشق .. ويلقا بـه أجلـه

صح الله لسانك

ويسلم قلبك وفكرك

مصافحه أولى مدوّيه

لله درّك

احترامي

محمد ال مهيد · 26-04-2006, 02:57 PM

الاخ الغالي احمد ناحل

الله الله عليك

قصيده تعاانق السحااب

في حبكهاا وسبكهااا

اجدت الوصف والتوصيف

سعدت ان اكون احد المعاانقين

لهاا

سجل اعجابي ومتابعتي

اخوك محمد

أحمد بن ناحل · 26-04-2006, 04:08 PM

[all1=#CC6699] ملت دموعي ربوع المحاجـر
واستنزلت من بعد ماهي بخجلـه
أحسها من فوق خـدي خناجـر
وأدعي عسى ماراود الدمع نجلـه

أحمد بن ناحل

الله عليك

مبدع كما تعودناك

صح لسانك ولا هنت

عدد بلا مدد ودمت بألق

نــــــ غ ـــــم[/all1]

شامخ الرشيدي · 26-04-2006, 05:57 PM

الله الله يا احمد على هالقاف ..
صح لساانك يالغالي .. ولاهنت ..
شرفتنا بأنضمامك ومشاركت معنا
لك التقدير من اخيك / شامخ الرشيدي

غريبة دار · 26-04-2006, 06:36 PM

أخي احمد بن ناحل

ألف صح لسانك على هذه القصيدة الرائعة

والتي بروعة حضورك و تواجدك

لا هنت و لا هان قلمك

تحياتي لك

اختك غريـــــــــــبة دار

نواف السعدوني · 26-04-2006, 07:03 PM

أحمد بن ناحل

ونعم وااااالله

أول شي حياك الله اخوي
وهذي الساعه المباركه اللي شرفتنا فيها وانا اخوك

ويسلم راس من دلك علينا والله

الله عليك

والله على هالمصافحه

صح ألسانك وصح بوووحك

لله درك

تحيتي لك

أخوك

نواف السعدوني

رياض · 26-04-2006, 08:40 PM

يادار أنا بأسألك ويـن المهاجـر
....................اللي على الفرقا طواريـه عجلـه
ياليتني دون السفر صرت حاجر
....................وإلا مشينا الدرب رجلي ورجلـه

السلام عليكم

أحمد بن ناحل
حضور متوهج
أسعد الله أيامكـ بكل خير
أبيات مذهلة ومعان ٍ معبرة

أنتظركـ

رياضـ