ياراعــي الصـده !!!

[سعيد بن مانع]

سلام عليكم ...


صباح \ مساء .. العطوور ..



\\\\ بدون مقدمات \\\\


متواضعه تحكي نفسها ... على امل ان تجد منكم الرضا .. وان تشفع لغيابي ..

اليا متى صدتك ياراعي الصده=واليا متى زلتك ياهوه ابقبلها
قصّرت مدّك وانا لك مجزل المده=مديت بحبال وصلي وانت مهملها
شفت الذي خط عالمويه بخط يده؟=أو مثل من يقبص الحيده ويطبلها؟
ذولا مثل من يبيّن حبه ووده=إلواحدٍ جاهلٍ ماهو بكفو إلها
فلا تحسب اني لاقلت احبك بشده؟=يعني ابضعف وزلاتك اجاملها
أبوك انا ند مايزرا على نده=واشل حمل المراجل وآتحملها
من لابةٍ بالوفا والطيب ممتده=لا قالت اقوال ؟ تفعلها وتفعلها
وحنا هل السيف الاملح حن هل الرده=وحنا ملافي الرجاجيل وزواملها
لاجا العدو صوبنا يُلطم على خده=وللصايح؟ الكل دسماله يدسملها
من حد بغداد الى صنعا لنا عده=وأفعالنا عاد مابه راس يجهلها
فإن كان وضعك كذا بيطوّل المده=خذها من اقصر طريق ولاتطولها
الشي لازاد عن حده؟ قلب ضده=وزلتك ماعادني برضى ولا اقبلها
فإن كان تبغى صدودٍ فأبشر بصده=وإن كان تبغى لعانه؟؟ فأبشر إزهلها
ولاّ أقولك ؟ وقولي صدق من جده=الحل واحد ولا غيره بيعدلها
يالعبنو حب باير لعنبو جده=وإن كان فرقاك ستره؟ جاك مسدلها
روّح عسى روحتك روحه بلا رده=وش حاجتي بناس ماتكرم منازلها!!

تحيه

[محمد ال مهيد]

الغالي سعيد بن مانع


الله الله عليك


قصيده شاامخه معنى وقاافيه


قصيده لاا يجيدهاا سوى القليل

اجدت حبكهاا وسبكهاا

سعدت ان اكون من اوائل المعانقين لها

اتيت لا اسجل اعجابي

اخوك محمد

[غريبة دار]

الشـــــــــاعر القدير سعيــــــــــد بن مــــــانع





ألف ألف صح لسانك على هذه القصيدة الرائعة





التي عانقت السحاب بروعتها و شموخها





لا هنت ولا هان قلمك





تحيـــــــــــاتي العطرة





اختك غريـــــــــــــــــبة دار

[عبدالناصرالعالي]

الغالي سعيد بن مانع


صح السااانك يارااائع


مبدع اخووي


دمت بالف خير


بالتوفيق

[بسـام بن عبدالعزيـز]

سعيــد



كفـــو يا بعدي

الشيّ لا زاد عن حدّه؟ قلب ضدّه=وزلتك ماعادني برضى ولا اقبلها
فإن كان تبغى صدودٍ فأبشر بصده=وإن كان تبغى لعانه؟؟ فأبشر إزهلها
ولاّ أقولك ؟ وقولي صدق من جده=الحل واحد ولا غيره بيعدلها
يالعبنو حب باير لعنبو جده=وإن كان فرقاك ستره؟ جاك مسدلها
روّح عسى روحتك روحه بلا رده=وش حاجتي بناس ماتكرم منازلها!!

صح لسااانك ولاهنت

عز الله قصيده تبـرّد الخاااطر

تسلم يمينك

ومسموح على الغيبـة

بس لا عاد تعودهـا :)



احترامي

[خالد بن علي]

صح نبضك وصح إحساسك

نزف جميل وراقي

حروف قمة وجمال

في حضورك

فلا تحسب اني لاقلت احبك بشده؟
يعني ابضعف وزلاتك اجاملها



صح نبضك وصح إحساسك

نزف جميل وراقي

حروف قمة وجمال

في حضورك

نـــــ غ ــــــم

[وليد الحميد]

صح لسانك أخوي سعيــــــــــد بن مــــــانع

أبدعت في معناك وجزالتك ..

أخوك .. وليد الحميد

[فهد الدباسي]

سعيد بن مانع



حضورك مهم


و هذه القصيدة سـ تشفعُ لك الغياب بـ التأكيد



سـ أعود

[عبدالله العويمر]

سعيد



مساك ورد




سلم حرفك ونبضك





نص جميل




دمت بود