مساجله بيني وبين الشاعر عايض المرشدي

[فهد الذيابي]

الا وهنيك ترقد الليل يابن شقير = تهنى بحلو النوم في الليل مرتاحي
تريح وأنا قلبي كفخ مثل كفخ الطير = كما كفخ طير له مسابيق وجناحي
ليا هدة الصقار واطلق جويد السير =وشاف الحباري جاء من الجو منشاحي
تنهض بجنحانه وجاء عليها مغير = وضربها بمخلابه بعد هوش وطراحي
وأنا لي سنه واربع وأنا مخفي التعبير = اخفى جروحي لين كبراً الاجراحي
سبب من جرحني وانتحالة لناس غير = وانا كنت احسبه صادق لي ونصاحي
منول بكشب وروحوبه يسار النير = وترك كشب وجبالة لهلن وانزاحي
خذوة المقرد واركبوة البيوك عصير = واظلم سماء الديرة بعد نورها راحي
انا اشكي عليك ولأنت قابلي التقصير = كلامي كلام الصدق ماني بمزاحي
وانا خابرنك من رجال لهم تقدير = اهل منصب وتقدير وطوال الأشباحي
ياعايض صبرت وقلت ربي يجيب الخير = أساهر انجوم الليل واسهر للا صباحي
ترى الحب شاكيه السديري لزبن عمير = بعد ما أونس بقلبه مثل طعن الأ رماحي
واختام القصيدة سامحونا على التقصير = سبحت البحر من عرض فى البحر سباحي
رد الاخ عايض شقير المرشدي على قصيدتي السابقه.=......
الأ ياللة المعبود نطلبك فالتيسير = يارب الملا جزل العطا مذرى الارياحي
طلبتك تيسرنا بدرب الهدي ونسير = وتجعل ليالينا مسرات وافراحي
كتاب وصل من صاحب يحسن التعبير = به المسك والريحان والورد فواحي
هلاً به عدد ماكبرو فالحرم تكبير = وعداد المزون اللي سنا برقها لاحي
وصل من صديق لة معزة ولة توقير =بعيد المدى ماهو للا سرار بواحي
قريت الكتاب وكل كلمه لها تفسير = وذكرني ايامٍ مضت رسمها ماحي
علامك تذكرني زمان مضى تذكير = وأنا يافهد ناسي وقلبي عنه ناحي
أنا خابران الحب لة يافهد تأثير = وراعيه والله ماتهنى بالامراحي
به الهجر والحرمان والمر والتعزير = وياكم غدالة يا ابيض الوجه بارواحي
غدابه الدجيما والتميمي وغير وغير = والا حداً طرد فيهم ولا ناح نواحي
تشكي وتنخاني وانا رهن للتاشير = أنا حاضر بالحال والمال ياصاحي
أبذلك المجهود واللي يصير يصير = وأبا ارفع شعار الحرب وابا اعلن كفاحي
وأبا ادور اللي حطلك فالعقل تخدير = والا واللة احسب للخساير والارباحي
أبا ادورة فالنير والجمش ولتسرير = وحايل وتيما والمدينه والاسياحي
وأبا ادورة فابها ونجران ولخرخير = وعين الفهيد ونقرة الجوف ورماحي
وابطرح لة الاذكار في كل دار ودير = وابا احطله في كل مرقاب ملواحي
وانا لالقيته لايجي خاطرك تكدير = ابحاولة بالعرف واسعى باالاصلاحي
وأبا اعطيه لين ارضيه واحررة تحرير = ولو مال من دونه مناحيس وشحاحي
وترى الحر وأن صكت عليه الشبوك يطير = وردى العزوم اليا بغى ينتهض طاحي
وتم الجواب وسامحونا على التاخير = ومسك الختام بذكر من يذرى الارياحي

[جارح الكسر]

صح لسااااااااااااااااانك يالذيابي

وش اللي خلاك يالذيب تذكرنا بكشب والنير
وايمنها الغرابة وحبر والقياسر والدرعاء .................الخ

صح لسااااانك يابو شقار

والله لنا سنين ماشفناك لكن امانه ان قريت كتابتي تكلمني امانة لي عنك عشر سنوات من بعد المقناص المبروك ....................

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

فهد الذيابى

صح لسانك ولا هنت

عدد بلا مدد اخوى


نغم

[محمد الفرحان]

سأعود يامبدع

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[فهد الدباسي]

السمي


لي عودة لك

[مـــــلاذ]

فهد ..


قصيدتين أكثر من رائعه


صح لسانك و صح لسان


الشاعر عايض ..


بالغ الود

[مزون المحمد]

فهد الذيابي


قصيدة رائعة بروعة حضورك



لاهنت على هذا الحضور الراقي




دمت بخير

[غريبة دار]

أخي فهد الذيـــابي




ألف صح لســــــانك على هذه القصيدة الرائعة




التي عانقت السماء بروعتها و شموخــــــــها




لاهنت ولا هان حضورك الرائــــع





تحيــــــــاتي لك




اختك غريــــــــــبة دار