_+/.. (( غـرو العـوالي )) ..\+_

نايف المحينيش · 13-05-2006, 09:30 PM

هي لكم وبين ايديكم

دون مقدمات

صلوا على النبي

برفع الدعوة وبعرضها ( لخالي )=ياعسى عنده حلول ٍ للقضيه
من هوى غرو ٍ صدفته بالعوالي=صدفة ٍ راحت علي ذنب وخطيه
من لمحته صابني مثل الهبالي=وقمت ادق لنظرة عيونه تحيه
كل شي بنظرة عيونه طرالي=ونيتي صارت بها مليون نيه
ضاعت علومي ولادري وش جرالي=من عقب نظراتها ياناس فيـّه
لعنبوها كلها زين ودلالي=ولاتوصّفها حروف ٍ ابجديه
صفت ارموشه لو اضربلك مثالي=كنها صفت جيوش العسكريه
لعنبو ردفه ألآ ياويل حالي=كل ردف ٍ يرمي الحمل (إل) خويه
علموا عنتر وابو زيد الهلالي=وعلموا مجنون ليلى العامريه
وعلموا منهو سهر عدة ليالي=وكل عاشق بالعصور الاوليه
لو صدفهم من صدفته بالعوالي=يكرهون ايام عشق الجاهليه

ملاحظة / / العوالي= حي من احياء مكة المكرمة

عنود الصيد · 13-05-2006, 10:18 PM

نايف
0
0
0
صح لسانك وقلبكــ

شامخ الرشيدي · 13-05-2006, 11:47 PM

صفت ارموشه لو اضربلك مثالـي
..............كنهـا صفـت جيـوش العسكريـه

الشاعر نايف المحينيش ..
صح لسانك ولاهنت ..
لي الشرف بمصافحة هذه الرائعة
ولك التقدير
اخيك شامخ الرشيدي