غــيــرة

[سليمان السلامة]

من جديد اتمنى ان ترتقي لأذولقكم الجميلة مع خالص تقديري

أخوكم
سليمان عبدالله السلامة

غـيـــــــرة

بدل قناعاتك وحاول عن الشك=تبعد ولو لحظة تعرف الحقيقة
صعبٍ على ولو حلفت أقدر أقنعك=أنك تظن أشياء ماهي دقيقة
أحلف لك أنك مخطيٍ في تصورك=وأن العهود أللى عطيتك وثيقة
وتخطى وأنا ماودى أجرح مشاعرك=أسكت00إلى حسيت بالصدر ضيقة
متأكد أن الغلطة أللى تجي منك=مردها غيرة مشاعر رقيقة
لو كنت أحس أنك تبي عذر يبعدك=والله فلا أتحمل وجودك دقيقة
المشكل أنى عارفٍ ويش يدفعك=على الكلام ومشعلٍ بك حريقة
ياصاحبي قلى وش الحل؟ وأسعدك=أللي يحبك ليه نشفت ريقه
لو القلوب تشاف والله لا أقنعك=أنك تظن أشياء !! ماهي دقيقة

[شامخ الرشيدي]

المشكل أنى عارفٍ ويـش يدفعـك
........على الكلام ومشعـلٍ بـك حريقـة
ياصاحبي قلى وش الحل؟ وأسعدك
.............أللـي يحبـك ليـه نشفـت ريقـه


صح لسانك يا سليمان ..
شرفتنا بحضورك يالغالي .. وإبداعك .. لاهنت

لك مني التقدير والمتابعة
اخيك شامخ الرشيدي

[باتل عبدالعزيز]

ياصاحبي قلى وش الحل؟ وأسعدك
.............أللـي يحبـك ليـه نشفـت ريقـه ـ بيت من نور وعذب ـ تقديري لهــكذا شعر ياسليمان

[التميميه]

صح لسانك

وسلم بنانك

واعتلى شانك

جزله من راس جزل

[مـــــلاذ]

ممطر و جزل يا سليمان


وصح لسانك مليوووون


ودمت بهذا الإبداع .


بالغ الود

[فهد الماجدي]

صح السانك ولاهنت يالغالي


كل التحيه لك

[محمد الفرحان]

سأعود ياعلم

[حماد القريني]

صح لسانك وجاد نظمك

لاهنت ولاهان راسك

تحياااتي

[عايد السميري]

الشاعر

سليمان السلامه

تشرفت بمصافة ابداعك

من القلب

سلمت ودمت بهذا الشموخ
وهذا التألق
اخوكــ

عايد السميري

سليمان السلامة



بوح راقى


صح لسانك واحساسك


دمت بخير ونقاء


نغمـ