وين رايح وين رايح ؟

[فايز آل بذال]

السلام عليكم

فقدناكم واشتقنا لكم والله

مع بالغ اعتذاري

لقلوبكم جميعاً




وين رايح

ياخفوقـي لا تناظـر للفضـا لا تحتـريـه=دامه اقفى يا خفوقي إنت وش ترجـي وراه
ادري انك يا خفوقي تعشقـه وتمـوت فيـه=وانا مثلك يعلـم الله أعشقـه وأعشـق ثـراه
والله اني ما نسيتـه حتـى انـا ودي أجيـه=لكن انت البور تدري ماربح به مـن شـراه
انت تذكر يـوم يقفـي كيـف كنـا نرتجيـه=وكيف كان الشوق عنده أصدقه كذب افتـراه
وين رايح يا خفوقي وين رايـح هيـه هيـه=وين رايح انت صادق ؟منت لاصق في غراه
ادري انك عاشق ٍ له وادري انـك مشتهيـه=لكن الله في سماه ان رحت تبطي في حـراه
راح له قلب ٍ عصاني ما يبي صـدري يبيـه=يدفعه شوق ٍ سرابه يتبعـه خـوف اعتـراه
إيه .. كيف اليوم قلبي ما يبيني ... إيه إيـه=حتى انا ما عدت ابيه ولا أبي عينـي تـراه
عـاد دامـه جـاك قلبـي الله الله عذبـيـه=وعلميه ان الخطايـا مـا تمـاري فـي زراه
بلغيـه انـي نويتـه بالـعـذاب وفهمـيـه=اني ابطي ما ذكرته كـود لا غيـري طـراه
كلها أعضائـي تشـرٌه يـوم راح وتزدريـه=شوفي اصغر شي فيني خنصري كيف ازدراه
افرحي وارضي غرورك بنتصارك واذبحيـه=اذبحي قلب ٍ ذليـل ٍ مـا أبـي عـز ٍ وراه

.
.
.
وسلامة الجميع

[نايف المقاطي]

فايز آل بذال

نبض غارق


دام نبضك ودمت


غيمار

ادري انك عاشق ٍ له وادري انـك مشتهيـه
.............لكن الله في سماه ان رحت تبطي في حـراه
راح له قلب ٍ عصاني ما يبي صـدري يبيـه
....................يدفعه شوق ٍ سرابه يتبعـه خـوف اعتـراه




فايز أل بذال


رائع وصح لسانك واحساسك

[عوض الحربي]

صح الله لسااانك



ابداااع تحدى حدوده




لتصنع له حدا اخر بقصيدتك الجميله


اود ان ابدي اعجااابي بقصيدك الجميييل



تقبل مني خالص الود والتقدير

[فهد الدباسي]

فايز


عتبي عليك كبير و الله . .



و لكن حضورك حول العتب إلى فخر




رائع يا فايز كيفما حضرت

و غالي متى ماحضرت و إن اشتقت لك دوماً هنا



صح لسانك و لاهنت

تقبل تحياتي

[علي عبدالرحمن الأسمري]

فايز ال بذال
كالعادة لاجديد غير الابداع

صح لسانك
ودمت بالف خير

[أكرم التلاوي]

العذب فايز آل بذال

قصيده جزله ووافيه

قمة البذخ والجمال والروعه والشموخ

صح لسانك ملايين ولا تكفي يالغالي

شهادتي في قصيدتك مجروحه

ولكن أبت نفسي إلا أن تسطر إعجابها بما لامسها من جمال قصيدتك

لك كل الاحترام والتقدير

[الجـــــوهره]

ادري انك يا خفوقي تعشقـه وتمـوت فيـه
وانا مثلك يعلـم الله أعشقـه وأعشـق ثـراه


والله اني ما نسيتـه حتـى انـا ودي أجيـه
لكن انت البور تدري ماربح به مـن شـراه

الله

الله

الله

أخوي فايز


صح لسانك و سلم بنانك و إعتلى شانك


لك تقديري و إحترامي

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[محمد الفرحان]

ونحن فقدناك واشتقنا لك أكثر

ياشاعر الهيل وحتما" سيكون

لي عودة الى هذه الرائعة . .