روح التوجد

عيد السعدوني · 06-06-2006, 11:07 AM

مصافحتي الثانيه هنا

واهديها إلى نفوسكم الطاهره

وش عاد باقي والفرح مـــــاله شفاه= طفل ٍ رضيع ٍ مــــالقا مــــــن يضمه
ابوه مـــــــــــن حضه يعاني بمشفاه= وامـــــه تذوق المر مــن كاس عمه
ليله ضياع وهـــــــــــم صبحه تقفاه= لا الليــل راضــــيبه ولا الصبح لمه
لاحاضره مغري والا الماضي عفاه= كــــــــــنه يحاسب بالولد غلطة امه
مستقبله روح التوجــــــــــد ومرفاه= حزن ٍ يوطــــــــــــيبه ويرجـع يخمه
مـــــــابين اصابع جور الايام مـنفاه= يعـني مـــــــــابين الكارثه والمطمه
يمـناه مــــــــاتقوى على شيل شلفاه= واحيان مـــــاتقوى علـى شيل كمـه
حتى دمــــــــوعه لاتهادت به اسفاه= متشتته مـــــــــــــــابين همه وغمه
مسكين لا والله مســــــــاكين وحفاه= والحزن مدهاله شرايين دمه
وش عاد باقي والفرح ماله إشفاه= والطفل دمعــــــــــــه سبته حال الأمه

وتحياتي لكل من مر من هنا

محمد الفرحان · 06-06-2006, 11:11 AM

.

.

1

مرحبا مليووون ياعيد

.

.

تشرفت بأولوية التواجد وأسبقية

الحضور وسيكون لي عودة الى هذه

المؤثرة ان شاء الله . .

عيد السعدوني · 06-06-2006, 11:31 AM

لاهنت

ياخوي

محمد

ودائما سباق

مرورك شرف لي ومحله القلب طال عمرك

نواف السعدوني · 06-06-2006, 04:47 PM

عيد

يالبى قلبك على هالقصيده

كونت ورسمت لنا حال الأمه في هذهي القصيده
الله عليك

سبق وان قريتها في مجلة بروز اذا ماني وااهـــم ..!!

ماقول الى صح السانك واعتلى شانك ولاهنت

تحيتي لك

السعدوني

عيد السعدوني · 06-06-2006, 08:48 PM

عيد السعدونى

صح لسانك واحساسك

ولا هنت مدد بلاعدد

راقى ومبدع شاعرنا

نغم

رغد عبد العزيز · 06-06-2006, 09:59 PM

وش عاد باقي والفرح ماله شفاه
طفل ٍ رضيع ٍ مالقا من يضمه
ابوه من حضه يعاني بمشفاه
وامه تذوق المر من كاس عمه

الاخ الفاضل .. عيد السعدوني ..

بوح شجي ... وقصيدة رائعة تحاكي الابداع والتميز .
صح لسانك وسلم بنانك ..

لكم فائق شكري وتقديري وخالص احترامي
رغد عبد العزيز

فهد الدباسي · 07-06-2006, 12:37 AM

عيد السعدوني

مرحبا بك أول و ثاني

حضورٌ رائع نتشرفُ به

رائعٌ أنت و مميز

صح لسانك و لاهنت

تقبل تحياتي

عبدالله الخليفة · 07-06-2006, 01:22 AM

عيد السعدوني

نصٌ جميل و حضورٌ راقي

صح لسانك و جاد بيانك

تحياتي

فهد الذيابي · 07-06-2006, 01:50 AM

مرحبا بالاخ / عيد السعدوني

هلا بعيد ومرحبا فيك ياعيد = ترحيبةٍ ياعيد غالي ثمنها

اهلاً وسهلاً بشاعرنا والاعلامي الرائع دائماً ....... تحياتي وتقديري

عيد السعدوني · 07-06-2006, 07:16 AM

هلا ومرحبا

بي حبيب قلبي

نواف محمد

مرورك طال عمرك شرف ووسام على الصدر

ونعم في عدد مضى

تم طرح القصيده

تحياتي ولمرورك العذب

لوحة التميّز الشهري (قريباً)

قريبا	قريبا	قريبا	قريبا	قريبا

الذين يشاهدون محتوى الموضوع الآن : 1 ( الأعضاء 0 والزوار 1)