يالعرابي كل ماهب نسناس النسيم

[فهد الذيابي]

يالعرابي كل ماهب نسناس النسيم = قام يطريلي علومٍ تكدر بالها
الذكاء طبع الذكي والغشامه للغشيم = حال طيب وحال ياصاحبي يرثالها

[فهد الدباسي]

وينك يالعرابي



الصفوف الصفوف ياجماعه

[عبيدالله العرابي]

مرحبا يالذيابي .
العفو . توي إنتبهت
لكن إستلم لاهنت

مرحبا بالضيف للكيف في دار المقيم
من هجوسٍ تنزل الطيّبه منزالها


الرجال بفعلها والحكايا للحريم
جاتك الجابه وعجّل وهات بدالها

[عبيدالله العرابي]

فهد الدباسي .
هلا وغلا
نتشرف بمتابعتك يالغالي .

لاهنت على حضورك

[فهد الذيابي]

يالعرابي ويش قصتك مع عبدالحليم = قصتك قصه وخل العرب في حالها
يبرق البراق والسيل يشتال النظيم = تابع العربان يمكن يبث ارسالها

[عبيدالله العرابي]

يالذيابي ماش سبعٍ نشب في حلق ريم
والرجال الطيّبه طيّب الله فالها


ابشر إن البال مرتاح والخاطر سليم
ماتطيح عمامة الشيخ تحت عقالها

[فهد الذيابي]

لاتشب النار صاحبي وسط الهشيم = واعرف ان لخيل من معرفة خيالها
راح وقت السيف والخنجر للي فى البريم = خلها لاعاد ياصاحبي تشتالها