الشرف غالي

[حمد الأسمري]

نخطئ ونجرم في حق أنفسنا كثيرا ً ولكن لا بد لنا من وقفات لمحاسبة النفس .

لا أطيل عليكم إليكم هذه الوقفة لمحاسبة نفسي المقصرة أولا ً

مدري كان الحب غاية؟والا هو فعلا ً وسيلـة=كان قصدك توصل ابها ألف غاية في ضميرك
اللي مثلك مو كفاية ينتمـي لأسمـى قبيلـة=ولا هو كافي بكل مجلس ينذكر فضلك وخيرك
الشرف أسمى وأغلى مـن تفاكيـر ٍهبيلـة=ناظر أهلك قبل تقدم بالخطا واعرف مصيـرك
الشرف لو راح والله مـا ترجعـه العويلـه=وش يفيد البنت قولت ابشري ضلعي يجيـرك
أذكر الرحمن دامـه بالعمـر يـوم ٍ وليلـة=والنصيحة لا تضيّع عقلـك و خلـه ينيـرك
واحذر الصاحب ونفس ٍ من عداوتها تشيلـه=معمي القلب متردي لا توهّـق بـه يشيـرك
للذنـوب وللمعاصـي والمكـاره والرذيلـة=قاده الشيطان وأنت راضي ٍ به في مسيـرك
لو بأمه خير والله مـا تـرك جنـة ظليلـة=احذره يغويك يا ما قد غـوى الآلاف غيـرك
ثم ناظر بالمرايـة صورتـك حلـوة جميلـة=لا تشوّهـا بذنـب ٍ يفقـدك أزكـى عبيـرك
توبة العبد وإنابـة عنـد ربـك مـو قليلـة=قبل موتك وانقطاعك 0فرقتك غالي عشيـرك
أسع للطاعـات والله يسّـر الحـق وسبيلـه=لا تخلي النفس ترمح. بالعطا جـود بكثيـرك
لا يجي لك يوم تنزل دمعتـك وهـيّ ذليلـة=كود للغفّار وحـده عالـم السـر ونصيـرك
وأنا لا تحسب كلامي جاك من نفـس ٍنبيلـة=كل مافي الأمر ودي ما تشوف اللي يهيلـك

أخوكم


حمد الأسمري

[فايز آل بذال]

واحذر الصاحب ونفس ٍ من عداوتها تشيلـه
معمي القلب متردي لا توهّـق بـه يشيـرك
للذنـوب وللمعاصـي والمكـاره والرذيلـة
قاده الشيطان وأنت راضي ٍ به في مسيـرك
لو بأمه خير والله مـا تـرك جنـة ظليلـة
احذره يغويك يا ما قد غوى الآلاف غيـرك
ثم ناظر بالمرايـة صورتـك حلـوة جميلـة
لا تشوّها بذنـب ٍ يفقـدك أزكـى عبيـرك


بيض الله وجهك يا حمد



صح قلبك على كل حرف قلته




اخوك

[شامخ الرشيدي]

صصصح لسااانك ولاهنت

قصيدة طيبة ومعاني اطيب

لله درك ولك تقديري
اخيك شامخ الرشيدي

[حمد الأسمري]

الغالي

فايز آل بذال

مرورك أضفى جمالا ً وبعداً آخر للقصيدة


بكل الود


تحيتي

[حمد الأسمري]

أخوي

شامخ الرشيدي

يصح بدنك يالغالي

والله لا يهينك على المرور الكريم


بكل الود

تحيتي

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[مزون المحمد]

حمد الأسمري

حرف رائع وناصح

قصيدة تحمل الجزالة والحكمة والنصح الحسن

لله درك

دمت بخير

[نور الطيف]

الاخ الفاضل

الروعة تكمن في قوة الحضور

وراقي البوح وما يهدف لما تحت السطور

دمت وسلمت لهكذا رقي

حمد الأسمرى

دمت بود وعذوبة الحرف

صح لسانك واحساسك

ولاهنت عدد بلامدد

نغم

[محمد الفرحان]

سأعود يامبدع