احذر

[صالح البراك]

اتمنى تنال اعجابكم وسامحونا على الغياب

ياصاحبي حذرك ترى الصبر بي زاد = مليت انا صدك وطبع العنادي
كنت احسبك للقلب مضمون وعماد= يا صاحبي شمّت فينا الاعادي
باسباب صدك صابني حزن وحداد= ياصاحبي مليت لا تقول عادي
القلب في وادي وتراك انت في واد = لا فاد فيك الحب لا الشعر فادي
مدري جفاك اليوم يا كيد وعناد = والا لقيت احباب غيري تنادي
خايف نهايتنا كما لابن شداد = الفارس اللي كان فـ قومه قيادي
خلي رجيتك حاول الوقت ينعاد = خلك على ما كنت راعي مبادي
خلك وفي للحب للشوق وقاد = واجمع شتات القلب حقق مرادي
ولا تستمع يافلان بالهرج حقاد = قردن يذم الناس في كل وادي
احذر ترى للعشق عذال حساد= يسعى ورى التفريق بين العبادي
همه طوال اليوم للشر يصطاد= بين القلوب البيض فيها اتحادي
هذي نصيحة قلتها درس وعتاد =قدمتها لاحساس رعشة فوادي
يمكن يجي لك يوم والشوق يزداد = والا تجيك اوقات رايق وهادي

صالح البراك - الرسام

[فهد السلمي]

بسم الله الرجمن الرحيم

الأخ الغالي والشاعر الأديب / صالح البراك ابو عبد الله

اولاً هلا وغلا فيك طال عمرك والشرف لي بمقابلت الرسام في هذا النبع الصافي والصرح الشامخ


ثانياً لاتعليق على القصيدة لانها بالنسبه لي فوق التعيق او التعقيب

صح لسانك يابو عبد الله ويشهد الله اني فاقدك بالحيييييييل

والشرف لي اني اول من قرا هالشامخه

اخوك

فهد

الكاسرالأول

[صالح البراك]

هلا هلا هلا
والله ماني مصدق نفسي يابوخالد، وينك وينك !!!؟
ويعلم الله سبحانه اني فاقدك اكثر، اشتقنا لك يابوخالد
وصح بدنك وما عليك زود يالغالي، وهذا ما يجي نقطة في بحر ابداعك.


تحياتي لك وخالص دعواتي بالعودة سالما غانما لارض الوطن




الرسام

[فهد الدباسي]

ك وحشه يا صالح



هذا النص بـ النسبة لي عربون لما هو قادمٌ منكَ هنا




صح لسانك و لاهنت

تقبل تحياتي

[صالح البراك]

وانت اكثر استاذي وحبيب قلبي فهد الدباسي
وصح بدنك يالغالي واتمنى القادم ينال ايضا رضاك واعجابك

تحياتي الخااااااااصة لقلبك



البراك

[فايز آل بذال]

مدري جفاك اليوم يا كيـد وعنـاد
والا لقيت احبـاب غيـري تنـادي
خايف نهايتنـا كمـا لابـن شـداد
الفارس اللي كان فـقومـه قيـادي
خلي رجيتك حـاول الوقـت ينعـاد
خلك على ما كنت راعـي مبـادي



بيض الله وجهك ياصالح

ومليوون صح لسانك

نص راقي وراق لي

[صالح البراك]

صح بدنك شاعرنا الكبير فايز آل بذال شاعر الهيل والطيب ، اسعدني وشرفني ان نالت ابياتي
اعجابك ، والله لا يحرمنا من قلبك .

لك كل الود والتقدير


البراك

[الشموخ]

صالح البراك..
.
بجمالِ ما كتبتَ من الكلم..
قد استمتعنا بالتنقل بين سطور هذا القلم..
دُمْ بألق..
.
الشموخ

[فيصل العمري]

صح لسانك ولاهنت

رائع واكثر من رائع

تحياتي لك

[صالح البراك]

هذا شرف لي ولحروفي اختي الشموخ ان تحضى ابياتي بكرم مرورك وجميل تواصلك

الف شكر لك



لك تحياتي وتقديري


البراك