الحلم

[مقعد العازمي]

الا ياظلام الليل كملي وانا ساريك = أحاول على حلمي وادور لتفسيره
سريتك وانا مجبور ماهوب حبن فيك = وخليت قلب الحزن تكثر تفاكيره
لك الله ياقلب الحزن كم قسى غاليك = ولافيه جرح الا كسيته بتقديره
تجامل وتدمح لين بذ الزمن خافيك = ولافاد جرحك مع قسى الوقت تصبيره
ترسي بوابير المتاهه على شاطيك = ولاتبحر عن حدود حزنك بوابيره
سليت وعزفت عن الغرام وهل التنميك = وقام يحداك الوقت للهم والحيره
وانا معك يا قلبن تحيرت في ماضيك = معك حق بس الوقت مايندهن سيره
بذلت الصبر والجهد لاجل انقذك واشفيك = ونعش الرجا دقيت انا آخر مساميره
وابالد عيني عنك ماعاد انا محاكيك = هلا مرحبا ياحلم قلبي وتنويره
انا كنت اكلم قلبي عن الشقا وابكيك = ودوبي قطعت القول جعل الله يجيره
وجيت انت ياحلمي بعد ماانقطع طاريك = وجددت كل العمر وابدلته بغيره
وغيرتني واخلفت فكري وقلت ابيك = وانا كنت ماابغى للهوى طاري وسيره
بعدها حصل تغيير جذري وجيت ارضيك = وقلت الله يقدرلي الخير والخيره
وبالغت في حبك وقمت اذكرك واحكيك = واخطلك شوقن ماقصر عنك تعبيره
تمكنت مني ياعسى يحفظك واليك = وغيرت شيٍ كان ياصعب تغييره
عزفت الغلا للي منول يبا يغنّيك = سبقته على لحنه وحسّنت تطويره
وغنيتله صوت المحبة قبل يغريك = بصوتٍ لكون العشق يا كبر تصويره
رسمك بخياله مستحيل وقدر يغويك = وفاجئته بجلب الخيال وتقاديره
حفظ قول: لاتطرد سراب المدى يضميك = واخذته بيدّه لين ورّد على بيره
وداعتك روحي يابعدها وابا اوصّيك = على (الحلم) مادامه بدا اليوم تفسيره

[شيمة]

عندما أفقد مسارب النور
في كفوفي
أعلم حينها ..
ان سنآء هذا الحرف غائب ..!!




بو تركي
لك نور لا يشبهه غيرك

[ليان]

تمكنت مني ياعسى يحفظك واليك

وغيرت شي كان ياصعب تغييره

صح السانك ياشاعرنا مقعد العازمي وسلم بنانك


دمت بهذا الابداع ..

[نواف السعدوني]

مقعد

دائما تشدني بكلماااتك

ياذووويق انت


لله درك




صح السانك واعتلى شانك ولاهنت


تحيتي لك

لك الله ياقلب الحزن كم قسى غاليك
.................ولافيه جرح الا كسيته بتقديره
تجامل وتدمح لين بذ الزمن خافيك
..................ولافاد جرحك مع قسى الوقت تصبيره



مقعد العازمى

صح احساسك ولسانك

ولاهنت مدد بلاعدد


نغم

[مزون المحمد]

مقعد العازمي


قصيدة رائعة بروعة حضورك



لاهان حرفك

[فهد الدباسي]

حين يكون الحضور بـ حجم مقعد العازمي


لن يكون لنا سوى التصفيق و تسجيل الإعجاب


نصٌ رائع يابو تركي و حضورٌ لا يشبهه حضور



صح لسانك و لاهنت

تقبل تحياتي

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[محمد الفرحان]

سأعود يامبدع

[مقعد العازمي]

المشاركة الأصلية كتبت بواسطة الشيخة

عندما أفقد مسارب النور
في كفوفي
أعلم حينها ..
ان سنآء هذا الحرف غائب ..!!




بو تركي
لك نور لا يشبهه غيرك

الشيخة

وحين لا تجد الروح رؤية ترسم لها طريقها في الحياهـ

وتحيط بها عاهات الظلام

أتيقن من أن هنالك من يبتعد تاركا خلفه

فجوة في عمق الفكر لايمكن لمخلوق أن يسد ثلومها

لاعدمت مثل هذا العطر لمتصفحي اختي الشيخة

0
0
0
0
تقديري الجم