قالت حزينة قلت أنا ليه الاحزان (واقعية)

[فايز بن ماجد]

بسم الله الرحمن الرحيم

السلام عليكم

أبيات واقعية بيت بيت

أتمنى أن تصل إلى قلوبكم قبل كل شي

وأن تحقق الهدف المطلوب الذي كتبتها من أجله

قالت حزينة قلت انا ليه الاحزان =ماعاش من خلاك يابنت تبكين
قولي علامك واكتبي كل ماكان =والله يقدرني على الماقف الزين
لله ثم لله ماني بغلطان = ساسي كريم ومن رجالاً كريمين
لاتلحقك شكات مادامنا اخوان = أصول مختلفة ولكن على الدين
ردت أنا باصارحك دون كتمان =همي كبير وعني الناس لاهين
دايم وحيدة عايشة بين جدران =أبكي ولابه في حياتي مواسين
عانس واشوف من الأهل كل حقران = حكي القرايب كيف حكي البعيدين
كلن يعايرني ودمعي بالاوجان =حتى اختي اللي ماارحمت دمعة العين
اللي بعمري اتزوجوا قبل أزمان = وانا ردي حظي وحولي رديين
احلم ينادوني بسم ولدي فلان = يصبح سند لي لاغدى العمر سبعين
ماكنت ابي من هالبشر غير انسان = مثلي مثل غيري ولكن ليا وين
ثم رحت يم الشات ماقصدي أدمان = دام الهدف سامي نطب الميادين
ولقيت لي شخصاً به الصدق عنوان = امطلق ورازقه ربي بطفلين
يقول لي انه على القرب ولهان = يبغى الزواج ولابغى المسلك الشين
واصبح يكلمني وانا اقول لا ..حان =نصيبي اللي منتظرته لي سنين
ثم قال اشوفك جونا تو مازان =عندي ظروف وعرسنا ايصير بعدين
رديت له بالرفض من بعد مابان =على الحقيقة هالردي بالبراهين
راح وتركني مارحم دمع الاعيان = مجروحة وزوّد بي الجرح جرحين
عمر الندم مافاد من كان ندمان = ذليت نفسي بفعلتي للملاعين
راح العمر والحلم ماهو بالامكان = يارب انا برتاح وآموت هالحين
قلت اللي مثلك مسلمة عندها ايمان = هذا نصيب ولازم انكون راضين
ماهو ردى منّك ولاهو بنقصان =بس انصحك بانك على الشكر تبقين
يرزقك ربي لابعث خلقه جنان = لاتسخطين وتقلبين الموازين
كم فيه من معدم وكم فيه مرضان = وانتي بنعمة فوق ماانتي تظنين
من همته دنياه بالعون خسران = مادام كل الناس في يوم فانين
قلتي حزينة قولي هي ليه الاحزان =لاصار ربي معْك لالاتخافين

تحياتي للجميع

فايز الحربي

[لون الثلج]

:

فايز الحربي

قصيده لامست الواقع..حقيقه الكثير يعاني منها

فايز

ابدعت لاتكفي ..

لك احترامي..//


.

[حماد القريني]

صح لسانك وجاد نظمك

لاهنت ولاهان راسك

تحياااتي

[إنكسارات النخيل]

الشاعر /فايز ماجد

ابدعت بالطرح والفكره

واجزلت باللفظ والمعنى

دمت مبدعا سيدي

[مشاري بن جلوي]

فايز الحربي صح السانك ولاهنت يالغالي نزف جميل وأحساس رائع






تحياتي لك

[( حايره )]

قرأت القصيدة بيت بيت شعرت بأني أقرأ فصول من رواية

وهذه الرواية تحكي واقع وظرف يمر به الكثيرين

سواء بنات أو شباب نتيجة للفراغ الذي يُحيط بهم

نسأل الله الهداية للجميع


فايز الحربي

ألف صح لسانك

ولا هنت

[خليل المطيري]

بسم الله الرحمن الرحيم

فايز بن ماجد

السلام عليكم ورحمة الله وبركاته


صح الله لسانك وعلا شانك
قصيده جزله وابيات راااااااااااااااااائعه
بارك الله فيك وفي حروووووووووووووووفك



أخوووووك
حسام الشعر

[مزون المحمد]

فايز بن ماجد


يشرفنا تواصلك الطيب



لاهان حرفك

[عبدالله العويمر]

فايز



سلم قلبك وحرفك








أجمل الود،،والورد

[فيصل العمري]

صح لسانك على هذه الرائعه

ولا هنت يالغالي