.::. وعكة زوجية .::.

[ضوى قطر]

صباح النور عاللي اصبحوا ومساء النور عاللي امسوا

جيتكم بموضوع يقرقع في قلبي

خلونا نشوف هالمشهد :p

.::.

دانه ونور وريم صديقات منذ الصغر..

دانه: تهقين نقول حق ريم ولا ما نقول لها؟

نور: صعبه تقولين لها ممكن نفسية البنت تدمر!

دانه: وصعبه نخليها جاهله بالموضوع وكل خلق الله كلوا عرضها من الحش!!

نور: توكلنا على الله نقول لها وامرنا لله .. عالاقل تسمعه منا اهون من غيرنا

.::. في بيت ريم .::.

ريم: نورتوا يابنات.. شلونكم؟

دانه: والله احنا بخير بس نبي نكلمج بموضوع وياليت تسمعينه بهدوء

ريم:

نور: انتي دريتي ان زوجج تزوج خدامتج ريتا من كم شهر ولا لا!!؟؟!؟!

ريم ( وهي تستعيد بذاكرتها موقف بعد تلقي الصدمه)

.::. في بيت ريم من ست شهور.::.

زوج ريم: قومي ياريم جهزي غداي وتغدي معاي..

ريم: انا تعبانه وراجعه من الدوام قول حق ريتا تجهز الاكل

(تدخل ريم الحجره وتنام )

ريتا تجي متمكيجه ومتعدله ومتجهزه وترز الاكل لابو العيال وترتز جدامه تنطر اشاره

شهبندر التجار :D

.::. في بيت ريم من اربع شهور .::.

زوج ريم: ياريم التفتي لي ولعيالج وبيتج.. العرس والحفلات ماتنفع.. ماقمت اشوفج ولا اقعد

معاج.. كل شي ريتا.. الغدا والعشا والتنظيف والعيال على ريتا.. وش دورج في البيت؟!

ريم:

.::. في بيت ريم في الوقت الحالي .::.

دانه ونور: حاولي تتفاهمين مع زوجج وتصلحين غلطتج قبل لا يفوت الفوت انتوا بينكم عيال

ريم: انا قررت اطلب الطلاق ,,

.::.

موقف يمر على اغلب البيوت.. ونسبه كبيره من الحريم تتعرض لموقف خيانه وزواج

زوجها عليها وطبعا اللوم في الاخير عالزوج لان ما يملي عينه التراب :p

بس لو خذت المره ساعه زمان تفكر في الواقع اللي وصلت له ممكن انها تستنتج اصول

المشكله.. المشكله اللي تنشأ بين الزوجين يكون كلا الطرفين مشترك فيها ومانقدر

نلقي باللوم بالكامل على احد منهم.. وانسحاب احد الطرفين يوصل الموضوع الى

نهايه مسدوده ومشاكل يتضرر منها الاطفال بالاخص

تحياتي وشكري للشخص اللي نبهني على مشكله مثل هذي :)

[الســ زهرة ـوسن]

ضوى
عارفه انا مره ق ريت حديث بس مو عارفه صحته
ان الرسول لعن اللي ماتكتحل لزوجها


أشوف كثير والله في بيت زوجها بالبيجامه ولامهتمه بروحها

بس تسمع طاري عزومه
تطلع قمر


هذا اعتقد انه اسواء سبب واقوى سبب برضة


والاتكال عالخادمه في الاهتمام بشؤوون الزوج


الله يهدي الجميع يارب

[( حايره )]

في الحياة الزوجية عندما تحدث الخيانة من طرف
فإن الطرف الثاني من الزوجين يكون هو سبب تلك الخيانة !!!

وفي هذه القصة نجد الزوجة المشغولة بعملها ومناسبتها متناسية بأن
زوجها وبيتها بحاجة لقليل من إهتمامها ورعايتها

فعندما يقع الفأس في الرأس لن ينفعها شيء .. عندما تفقد زوجها وبيتها
لن تجد من يقف بجانبها ... فتكون قد خسرت إستقرارها وحياتها
عندها سوف تستيقظ وتصحو من غفلتها .. لكن متى ؟؟ بعد فوات الأوان


ضوى قطر

ألف شكر على الموضوع القيّم
لكِ أجمل تحية صباحية

[الجـــــوهره]

غاليتي ضوى

تسلمي على هالموضوع الجيد

مآساه تتكرر في كل مكان و زمان

و لا حياة لمن تنادي و لا يوجد متعظ

لكِ ودي و محبتي

[فهد الدباسي]

الزوج نبّه زوجته و لكنها غضبت من تنبيهه لها


إذن لالوم عليه


إلا في نوعيةِ الإختيار و جودته


ليت النساء يتعلمن من تجارب غيرهن


و هذا لا يلغي تهور بعض الأزواج حين يتزوج من ثانية رغم أن الأولى ليست مقصرة

و في النهاية لا يجد السعادة مع الزوجتين



ضوى قطر

ألف شكر

[ضوى قطر]

زهرة السوسن

صراحه ما اقدر اقول اذا الحديث صحيح ولا لا

مع العلم اني اول مره اسمعه منج

بس المرأه ملزومه انها تطيع زوجها وتتزين له

تحياتي لج ولمرورج

[ضوى قطر]

حايره

كلامج في محله

كل الحريم يقعدون من هالغيبوبه بعد فوات الاوان

وترجع تلم شتاتها وتحاول ترجع لها زوجها

يعني لازم تنقرصون علشان تعتدلون :D

تحياتي لج

[ضوى قطر]

الدباسي

اعتقد اللي زوجته قايمه بكل واجباتها وراضيته 100% ماعليها اي غلط حزتها الريال يركبه

الغلط بس طبعا ما انكر غفلة بعض الحريم وصحوتهم في الوقت الضايع

تحياتي لك

[محمد الفرحان]

.

.

أغبى الزوجات هي من لاتتزين لزوجها ولاتهتم

بوجوده وسوف تفقده في النهاية وعند ذلك لن

ينفع الندم ولن تجد من يقف معها . .

.

.

شكرا لك اختي ضوى قطر على هذا الموضوع

الهام والمفيد لكل المتزوجين . . .

.

.

دمتِ ودام حضورك

.

.

تقبلي فائق تقديري واحترامي