لا يــا فهــد لا جاء بجوالك أبراج .. (أنابدوووي)

[أحمد بن ناحل]

السلام عليكم ورحمة الله وبركاته


أسعدالله أوقاتكم جميعا

آخر ماكتبت من القصيد ولعلكم تعذروني عن الغياب لانشغالي

لا يافهـد لا جـاء بجوالـك أبـراج=كلم علـى اللـي نفتخـر بـه ونفـداه
سلم سـلام ن حلـو صافـي وثجـاج=وقـل للأميـر الـذود برعـايـة الله
بأمرك جهمنا السبت ناويـن منهـاج=ناويـن نبعـد عـن ديـاره معشـاه
مع خشم بـرق ن ذيبهـا بليلهـا داج=(غمره) جنوبه كنك تشـوف ممشـاه
متنحر ن مابين (سلمـى) و (فرتـاج)=ومغيب شمس الصيف مابيـن أجحَـاه
عشًى وعقلناه خـوف مـن الاحـراج=لاينكف .. ويوم أصبح الصبح قدنـاه
قمنا على طرش ن بلونه كمـا العـاج=وتال المتالي ان خفت خطـاه نـدراه
وضح ن وبرها ناعم ن تقـل ديبـاج=وأرقابهـا تزهـا بمغـزل وعرقـاه
وطفنا ضواح (العش) ضلعان وفجـاج=و جينا لدار ن باسـم اهلنـا مسمـاه
(غار ابن ناحل) مذري الضيف والحاج=حجـاج بيـت الله تشكـر صنـايـاه
شبعوا (بملحاء ) اللي مثل مـد هـداج=حتى كتـب (لنـدن) تسطـر مزايـاه
ويوم اعترضنا ضلع (اجأ)كنه سيـاج=جيناه مـع (المختلـف) ثـم عبرنـاه
سقنا بممشاهـن تقـل سعـي حجـاج=لادرهمـوا بيـن الخطـوط المسـواه
لاهـن بقصـار ن ولاهـن بهجـاج=حذرا المزاول... سوق بصياح واوداه
وعشن بطيـن ن زاهـي ن للتفـراج=مقيضنـا اللـي قاصدينـه وصلنـاه
ربله .. وجنبه .. والنصي له تبهـراج=كنه ذهـب... يـوم النسايـم تمثنـاه
وعرفج .. وعاذر .. والسبط كنه علاج=لكبودهن والرمـث.. فرحـن بلقيـاه
وأنـا لقيـت بوسطهـن فلـة حجـاج=ربيـع قلبـي وانتعـاشـه وسـلـواه
فرقا الشوارع .. والبواري.. والازعاج=وشوف الخضار وسجة ن في ثنايـاه
أحد (بجرش)صيف والآخر (بقرطاج)=وأنا بدوي ن لي مـع الـذود مشهـاه
وش عاد لو جت جبهتي كنها الصـاج=بياض وجه الرجل من طيـب يمنـاه
والا الردي لو حط (واقي) و (مكيـاج)=والله مايبـعـد ســواده ويـجـلاه
يالله عسى مالـه مـع العالـم انتـاج=ويالله لا تكثـر بخلـقـك حـلايـاه
ودك يصيـر الرجـل للبيـد بــواج=أمـا بمقصـد شـغـل والا تنـفـاه
وأنـا بطبعـي ماعشقـت التـخـواج=مشتال معي (عقال ناقـه) و (تـوداه)
ماحلت في (معزا) ولا حلت (بنعـاج)=عاني بذود ن تعجـب العيـن رويـاه
ماهو ردى.... مير الغلا بخافقـي لاج=للنوق ... يسلم من لهـن مالـه أفنـاه
جزل العطايا اللي على هامتـي تـاج=راع السخاء والجود والوجـه والجـاه
كم شيخ قوم وشاعر وشخص محتـاج=حصل قـراه وعًـود بملـي مخبـاه
وياكم خراج ن ماطلب منـه مخـراج=ماهو ريـاء .. يتبعـه منًـه ومـأذاه
في شوف عيني ذي بجيـوب الأدراج=بالاسم .. والتاريخ .. والقيمه أعـلاه
وان كنت شاهـد زور فالحكـم فـلاج=عسـى مكانـي يـامـلا ماأتـعـداه
وأنا أحمد الله لا صعب وضعي وهاج=أبـوي .. بعـد الله ملجـاي بحمـاه
نور ن يبين اليا اظلـم الليـل وهـاج=أستانس بروياه وأمشـي علـى هـداه
يـارب يالمعبـود يـاوال الأفــراج=تبقيـه وسـهـوم المنـايـا تـعـداه
يالله تديم اللـي علـى روسنـا تـاج=اللي مـع الأجنـاب نفخـر بطريـاه
وليا فهـد وصًـف بتنفيـذ واخـراج=وقله تـرى يـوم الخميـس انتحـراه
وقل للذي ناوي على القيـض منهـاج=من عند (موقق) كان تصمـل نوايـاه

وتقبلوا تحيات أخوكم/

أحــمــد بن نــاحــل

[الســ زهرة ـوسن]

أحمد

تلذذت بالقرائه هنا


لأحسست بطعم القوه



لا أخفي عليك ..

أني لم أفهم بعض الكلمات ..


لكن اعزي ذلك لاختلاف اللهجات


حفظك الباري

[فهد الدباسي]

أحمد بن ناحل

عز الله إن محلك أبرك من ذيك الأماكن



نصٌ رائع

و معبقٌ بـ الاصالةِ و الجمال



صح لسانك و لاهنت

تقبل تحياتي

[سعيد السالم]

أخي العزيز / أحمد بن ناحل

عافاك أخوي
ضن الجميع بأن زمن المعلقات قد ولا ولكنك أنت أعدت لنا المعلقات في رائعتك تلك لا نقص يذكر فيها بل أضفت عليها كل ما من شأنه أن يجعلها تبهر الجميع

سلمت وسلم قلمك

أخوك/ سعيد السالم

[نواف السعدوني]

بن ناحل


بوح جميل



ونصــ رايق



لله درك

صح السانك

تحيتي

[فيصل العمري]

بيض الله وجهك

وصح السانك

تحياتي

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[محمد الفرحان]

.

.

شاعرنا

احمد بن ناحل

.

.


ابدعت فيماقدمت

.

.

وصح لسانك ويسلم بنانك على هذه المعزوفه

الرائعه بروعة حضورك وتواجدك . .

.

.

دمت بهذه الشاعريه وهذا الحضور ولاعدمنا

تواجدك . . .

.

.

تقبل فائق تقديري واحترامي

[جارح الكسر]

ابن ناحل

أين أنت ذاهب ؟؟

صح لسااانك يالغااالي

ويعلم الله تنقض جروح مخباه

حنى وين والابل وين أشغلتنا الدنيا الله يهنيك

اخوك

جارح الكسر

المبدع الرائع

احمد بن ناحل

رغم حرمانك لنا من

تواجدك المستمر

الا اننا ننتظر دوما

حضورك الرائع مثلك

صح احساسك ولسانك


نغم