مـا يمـوت الشـوق

[بسـام بن عبدالعزيـز]

السلام عليكم



متواضعة .. تعتذر لذائقتكـم

.
.

ما يموت الشـوق .. يا بنت الحـلال !=ولا يهمّـك .. لـو تعاندنـا الظروف
إن غَـدا شوفـك .. عن عيوني مُحال=والله إن القلـب في جوفـي يشوف
.=.
له عيونٍ .. ما عطـت غيرك مَجـال=وغير وصفك .. ما ملا عينه وصوف
لك وصوف اللي على عرش الجمال=مستريحـه .. والملا حولك وقوف
ولك على بالـي إذا شَـحّ الوصال=صورةٍ تَحيـا .. أناجيهـا طيوف
صورتك لا جات .. أغرّقهـا دَلال=إيه أدلّعهـا .. وداريهـا .. وروف
صورتك عندي .. على رَفّ الخيال=وغيرها .. مَرمي .. على ذيك الرّفوف
رافـعٍ بروازهــا لأبعـد مَنـال=وغير كفّـي .. ما تلامسهـا كفوف
لا ضميت .. أشرب ليالينـا زلال=والوَلـه .. دايم على ذِكـرك شغوف
.=.
جيت أوضحلك مَعي أبسط مثـال=وما خَفـا .. ياليييت تكفيه الحروف
ذا جواب الشوق .. عن شوق السؤال=احفظيه .. ولا يجي قلبك حسوف
وافهمي .. لو كان لي ظلمك .. عَدال=لـك أكرّرهـا .. ولحّنهـا عزوف
ما يموت الشوووق يا بنت الحـلال=ولا يهّمـك .. لو تحدّتنا الظروف

.
.

و ت س ل م ~ ق ل و ب ك م



احترامي

[لون الثلج]

:


بســام بن عبد العزيز..

يشرفني ان اكون اول من طالع عذوبة

قصيدتك ..وأول من

وقّع اعجابا بماقرأته ..

دائما ننتظر جديدك ..

لك مني كل الاحترام..

.

[إنكسارات النخيل]

لا ضميـت .. أشـرب ليالينـا زلال
والوَله .. دايم على ذِكـرك شغـوف

بسام عبدالعزيز

بوحك راقي وسلس دائما

صح لسانك

كل الود

[مزون المحمد]

بسام


حرف اشتقنا له كثيراً


دائماً مبدع


لاهنت

[عبدالله العقيل]

صورتـك لا جـات .. أغرّقهـا دَلال
إيـه أدلّعهـا .. وداريهـا .. وروف

الغالي بسام


صحححح لسانك يالغالي

ذوووووق يالغالي حتى بالوصف


دمت ودام هذا القلم

[حمد فرحان]

بسام بن عبدالعزيز

ألف صح الله لسانك يابو مشعل

من زمان والله ماقرينا ها الإحساس


تعجز الحروف أن توفيك حقك من الكلام

تقبل فائق إحترامي وتقديري

[عبدالله العويمر]

بسام



سلم قلبك



ومساك عطر











دمت بود

[فهد الدباسي]

يااااااااااااااااه يا بسام


زمان يا فن و الله



اشتقت لك و لـ حرفك حيل يابو مشعل




صح لسانك و لاهنت

تقبل تحياتي

[نواف السعدوني]

ابووو مشعل



الله

الله

عليك



صح السانك واعتلى شانك ولاهنت


تحيتي

[( حايره )]

قصيدة لم تترك لنا مجال لإختيار الكلمات

أو حتى مجال لترتيب الجمل

قصيدة جعلت مشاعرنا تعيش الحروف بكل معانيها

جعلت أرواحنا تنادي بمثل هذا الشووووق الداااافيء


بساااااااااااااام

ألف ألف صح لسانك

ولا هنت