لو جابوا أنعم ناعمة وسط هالكون ........تصير عندك يالغلا عربجية...!!

[فايز بن ماجد]

مساكم ورد

هناك جميلة

وهناك مملوحة

وهناك حلوة

والاجمل ان تجتمع هذه الصفات الثلاث في أمرأة واااحدة

أقدم لكم هذه القصيدة البسيطة

آملا ان تنال الاعجاب

لو جابوا أنعم ناعمة وسط هالكون = تصير عندك يالغلا عربجية
ولو اجمعوا في هالبشر كل مزيون = صاروا شيون ومالهم قابليّة
مافيه مثلك زين لاشكل لا لون = جمالك اللي شفت مافيه زيه
حتى عليك عيون مامثلها عيون = فيها حلا طاغي على جاذبية
من نظرتك من ينظرك راح بالعون = سلهامتك تورد لحوض المنية
والا الخدود وسلة السيف يزهون = ودي بهن لكنّ ماليّ نيّة
اببتعد لو كنت بالشوق مسكون = من خوف خدك يجرحنه يديّه
فيك اجتمع شيّين وان قيل وشلون = ملحاً وسكر بالشفاة الندية
الملح في مبسمك مع درّ مكنون = ومن ريقك السكر زيادة شوية
غير الجديل المنسدل فوق المتون = كنه ظلام الليل والوجة ضيّه
والا القوام اللي انا فيه مفتون = متناسقاً من فضل رب البرية
اليا مشيتي مشيتك حييييل بالهون = كنك كما المهرة بأرضٍ خلية
مابه مكان الا ويتبعك بشجون= ويقول لك تكفين أمشي عليّه
حتى الورود اقبال عينك يمرون = لك يكشخن هذي وهذي وذيّه
مير اقطفيهم هم ترى بس يدعون = ياكمّ وردة شافتك مزهريّة
من غير صوتك لاعزف ليّه الحون = لك أبجدية غييير هالأبجدية
الفاً وحاء وباء مع كاف بجنون = اليا حكيتيها وش يصير فيّه
ماظن احد بيلومني ويش بيكون = وانا هوايه بنت نجد العذية
كل البني يبطووون وان قلت يبطون = ماوصّلوا لو ربع هاك البنيّة
بريئةٍ واتتابع افلام كرتون = طفلة حنونة ..حالمة ..شاعرية
فيها ثقة واغرور لكن يليقون = مع كبرياء وعندها نرجسية
امدللة واتموت بي حييل وتمون = الله يخليها على طول ليّه

[همسات القلب]

شاعرنا فايز بن ماجد

اشكرك وحروفك الرائعه

سلمت لنا اناملك الرقيقه

وسلم لنا ربى هذا الاحساس


همســــــات

[محمد الفرحان]

.

.

شاعرنا

فايز بن ماجد

.

.

صح لسانك وعلا شانك

.

.

قصيده عانقت السحاب بروعتها . .

.

.

دمت بهذا الحضور وهذه الشاعريه.

.

.

تقبل فائق التقدير والاحترام

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[مشاعل ابراهيم]

أخي فايز بن ماجد


صح لسانك و اعتلى شانك



قصيدة ولا اروع من شاعر رائع



تحياتي

[فرحان مطر]

اقسم بالله العظيم ... انني حضرت .. هُنا ... من اجلك .. وبالصدفه ...


وليس بييننا سابقْ معرفه ...

سوا بالصدفه .... ودخلت ... لكي ... احييييك .... هنا ....



قصيده ... جميله ... من شاعر يجيد .... الشعر .... بحفاذيره....


فايز صح قلبك ولاهنت


ارقى التحايا

فايز بن ماجد






شاعرنا المبدع





صح احساسكـ ولسانكـ


نص راقي وجميل


دمت بكل النقاء





إيمـــــــــان

[مزون المحمد]

فايز ماجد



صح لسانك على هالحضور


لاهان تواجدك الكريم


دمت بخير

[فايز بن ماجد]

الأخت همسات القلب

شرفني مرورك وكلماتك الجميلة

الف شكر

لاعدمتك

[فايز بن ماجد]

الأخت

هيا الصالح

صح بدنك

شرفني مرورك

وكلماتك

الف شكؤ

لاعدمتك