يباس الحظ

[حمد الأسمري]

يباس الحظ ما ينبت بأرض الميتين زهور = وهجرك كان لأزهاري جفاف وموت ونهاية
وليل العتم ما ينثر على وجه الحزن بلّور = ولا في ضحكة القاسي لموت الصدق تسلاية
نهاية تجعل الجاني يموت من الضحك مسرور = بداية تترك المجني يشيب من أول حكاية
كذا صار الغياب ألطف وأجمل من بنات الحور!! = كذا مات الهوى وألا نهاية دنيتي بداية؟؟؟
من التقويم وأوراقة لموت الحب منذ شهور = لنزف الذات للغربة لجرح ٍ ماله وصاية
لكلمة أوجدت معنى جديد بعالمي المكسور = لزيف ٍ ماعرفت أشلون أعيشة فيك للغاية
أنا يامرتّب أفكارك وماخذ كذبتك بسبور = أبد ما عاد لي دور فـ حياة الغايب التايه
أنا أدري ماني الأول ولاني آخر الطابور = وأدري ماملى قلبك سوى تغريب ووشاية
أنا حزني على قلبي على موت الهوى وشعور = بدا ياخذ من أطباعك لأنك ظل ومراية
معاك الحق لو ترحل ومن قلبي ترى معذور = وجودك أو رحيلك ما يغيّر خط مرسايه

[مزون المحمد]

حمد الأسمري


سعدنا بحضور حرفك الكريم


ونتمنى مزيداً من التواصل الجميل


صح لسانك ولاهنت

[فايز آل بذال]

حمد الأسمري إسم من ذهب

وشاعر غايه في الرقي

سعيد بك وبقصائدك في كل مكان يا حمد

وليل العتم ما ينثر على وجـه الحـزن بلّـور
ولا في ضحكة القاسي لموت الصـدق تسلايـة
نهاية تجعل الجاني يموت من الضحك مسـرور
بداية تترك المجني يشيـب مـن أول حكايـة

[فهد الدباسي]

حمد الأسمري



نصٌ جميل

و سبكٌ رائع جعلنا نقرأُ بـ تمعنٍ و تأمل



صح لسانك و لاهنت

تقبل تحياتي

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[بسـام بن عبدالعزيـز]

حمد



جرح

ونزف

وقصيده رااائعه

صح لسانك



احترامي

[حمد الأسمري]

الأخت الفاضلة

مزون المحمد

ألف شكر على المرور الكريم

تقبلي تحيتي وودي

[حمد الأسمري]

الغالي على نفسي

فايز آل بذال

حروفك ياعزيزي هي الرقي بذاته

أسعدني كثيرا مرورك من هنا

وعبق نصي المتواضع برائحة الهيل وشاعره


تحيتي وودي

[حمد الأسمري]

الجميل جداً والمتألق

فهد الدباسي

صح الله بدنك وكلك يارب

لاعدمت إطلالتك الحلوة

تقبل تحيتي وودي

[حمد الأسمري]

الغالي

سليمان العقيل

مرورك هو الشرف بحد ذاته فقصيدي لا يكتمل إلا بمثل هذا النقاء والتواصل

لاعدمناك يالقرم

تحيتي ووودي