ماعاد لي بالهوى حاجه.!

[فهد الماجدي]

,

,,




ياصاحبي خاطري منعاج
والقلب كنه على صاجه



من بعدكم يصطلي بالصاج
والهجر يامصعب امواجه




احرجتني بالعذول احراج
ياسلوّت القلب واحراجه



القلب بالحيل لك محتاج
فاقد حنانك ومحتاجه




لو منت في عرش قلبي تاج
والله ماتوصل براجه



لاقرب الليل قلبي هاج
بالشوق والهجر وزعاجه



كبلّني الليل دون فراج
بالليل والنار وهاجه



كلن توسد على ديباج
وراع الهوى والع سراجه


:
:

لو للهوى منفذ ومخراج
ماعاد لي بالهوى حاجه

[الدانه]

الشاعر فهد الماجدي




صح الله لسانك ولاهنت



أسعدني مروري الاول من هنا




تحياتي
الدانه

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[بسـام بن عبدالعزيـز]

فهد



كـ عادتك

متألق .. ومختلف

صح كلك



احترامي

فهد الماجدي


شاعرنا المبدع


صح احساسك دوما وابدا


لك كل الود والتقدير



إيمـــــــان

[فهد الماجدي]

الغاليه الدانه الف شكر لك والله يالغاليه على المرور وتشريفك للقصيده لاعدمناك يالاجوديه


تحيتي لك

[فهد الماجدي]

الغالي سليمان العقيل لاعدمناك على المرور والطيب والدعم المتواصل الف شكر لك يالغالي



تحيتي لك

[فهد الماجدي]

الغالي بسام لاعدمناك على الكلام الطيب والدعم المتواصل يالغالي شكر جزيلا لك والله



تحيتي لك

[فهد الماجدي]

الغاليه ايمان لاهنتي والله يالاجوديه الابداع مرورك على المتواضعه لاهنتي الف شكر لك



كل التحيه



,,

[فهد الدباسي]

السمي / الماجدي



رائعٌ أنت في حضورك دائماً


نصٌ جميل

أشارككُ فيه و أسجلُ إعجابي به



صح لسانك و لاهنت

تقبل تحياتي