الجبين المستباح

[حمد الأسمري]

خروج عن النص : (( إلى متى نصمت ؟؟؟))

أتمنى تثبيت القصيدة فيما لو أرتقت إلى ذائقتكم الشعرية

آه يا أمة عقيمة / صاب تفكيرك جمود=تطلب العز وتدوّر/ للمعالي والفلاح
للمعالي درب واحد/ دونه لا يمكن نسود=أي نعم/ عمر الريادة / ما تجينا بالصياح
نشجب الفعل وندين/ وصوتنا مثل الرعود=وأحنا في واقعنا أصلا ً / ما سعينا للنجاح
كانت الأمة قوية / ما تخوفها اللحود=يوم كان الموت غنوه / من دواوين الجراح
يوم كان المجد غاية / عزمنا ماله حدود=ويوم صار الضعف ومصة / وردنا أزهر وفاح
من تعودنا نطاطي / روسنا فغير السجود=صرنا والله خير أمة / للجبين المستباح
كل مرة فيها نخضع/ ننتشي ذل ونعود=نخضع أكثر/ نعجب أكثر/ في تعابير النواح
تضحك الدنيا علينا / لا حكينا فـ الوعود=أو تذكرنا البطولة / في زمن ولى وراح
ضعنا والله بين سام / وبين أطماع اليهود=ومن دموع اطفال غزة / صغنا موسيقى السلاح
الوطن ضايع أمانة / والأمل ماله وجود =والضمير الحر يسأل/ كيف إطلاق السراح؟
للأسف ما عاد باقي/ فيك يا طبع البرود=حرقة أعصاب وخيانة / وسر فيه الوقت باح
جينا ننثر في نهاية / مسرحيتنا ورود=البطل ميّت ونقدر/ نستشف الارتياح

[حسين آل صمع]

صح لسانكــ


وعلا شانكــ



قصيده في الواقع المر


حرفك ريشة فنان


تقبل تحياتي

[التميميه]

صح لسانك

وسلم بنانك

واعتلى شانك

جزله من راس جزل

[مزون المحمد]

حمد الأسمري


صح لسانك على هالرائعة


لاهان راسك



دمت بخير

[عبدالله العويمر]

حمد


شعر وشعور



سلمت



دمت بود

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[فهد الدباسي]

حمد الأسمري



صدقت ياحمد


هذا هو الواقع أعاننا الله عليه



صح لسانك و لاهنت

تقبل تحياتي

[محمد الأسمري]

صح لسانك يا اخوك

جزله من راس جزل

كل التقدير لحرفك

اخوك محمد

يوم كان المجد غايـة / عزمنـا مالـه حـدود
....................ويوم صار الضعف ومصة / وردنا أزهر وفاح
من تعودنا نطاطي / روسنـا فغيـر السجـود
....................صرنا والله خيـر أمـة / للجبيـن المستبـاح
كل مـرة فيهـا نخضـع/ ننتشـي ذل ونعـود
.....................نخضع أكثر/ نعجب أكثر/ في تعابيـر النـواح



حــــــــمد الأسمري


صح إحساسكـ ولسانكـ

وقلمكـ الراقي شاعرنا

عزف علي واقعنا الأليم


دمت لنا بكل النقاء


إيمــــــــــان

[حمد الأسمري]

الأخ الكريم

حسين آل صمع

دمت بهذا التواصل ولك مني جزيل الشكر على مرورك النقي

تقبل

تحيتي وودي