جمره تتقد فيني

عبدالله العقيل · 07-09-2006, 04:42 AM

ايييييه يالغالين

ما اصعب الزله يومن تجيك من صديقك او صاحبك

مهما حاولت تدراها عن الاعين الا انها تأبى الا ان تخرج لإن للإنسان طاقه تتفجر

لن ادعي انني مرضت بعد هذه القصيده بل كان ذلك بالفعل بعد رؤية رد صديقي وصاحبي ومن اعزه واقدره واحترمه على هذه القصيده

لان العشق في قلبي وطن والعشق بي معتاد=نسيت ازعل وقلت الله لهالزعله ينسيني
قضيت الليل والجمره بقلي باللظى تزداد=اثاري النار ماتبرد وظلت تتقد فيني
رسمت الدرب لكن ياااااه مدري كيف لف لغاد=وشي ماتوقعته خويي شلوووون يرميني
رجعت اجمعك يافكار واوقد من ضياك زناد=لقيت ان الغلط مني ومابه عذر يكفيني
رجال الجود اجمعهم ماذرى بالعيون رماد=لابوه المجلس اللي الضيف غادر ماشكر فيني
صداقتنا مودتنا لحكمك يالزمن تنقاد=اذا مافرقت لٍيام مابين المحبيني
تبون الجد فيني زعلة واقولها اوكاد=بغيت انسى واتناسا وعيت لا تخليني
رجعت اقولها بالشعر دام ان الشعر وراد=عساها تبرد الزعله ويعذرني موديني

سليمان العقيل · 08-09-2006, 05:11 PM

صح لسانك وتسلم يمناك

حضور متألق ورائع

تحياتي لك ولقلمك المبدع

حماد القريني · 09-09-2006, 01:39 AM

صح لسانك وجاد نظمك

لاهنت ولاهان راسك

تحياااتي

فهد الدباسي · 09-09-2006, 07:08 PM

عسى عسى

عبدالله العقيل

نصٌ جميل

و الروحُ فيه شفافةٌ و رائعة

صح لسانك و لاهنت

تقبل تحياتي

محمد الفرحان · 10-09-2006, 02:25 PM

.

.

شاعرنا

عبدالله العقيل

.

.

صح لسانك مدد بلاعدد

وسلمت وسلم نبضك واحساسك

على ماأتحفتنا به من رائع الحروف

وبديع القوافي . .

.

.

سجل متابعتي الدائمه . . .

.

.

تقبل فائق تقديري واحترامي