[ دفتــــــر الشيكات ]

[خليل الشبرمي]

.

بعد التحية والسلام ...

الليالي توْدِع العاقل هبيل = والامور اليوم سلّم ياسلام
راح جيل ومقبلٍ ياخوك جيل = يالله اني طالبك حسن الختام
العزيز يذل ويعز الذليل = والسباع تباع في سوق النعام
ودفتر الشيكات في مخبا البخيل = ماظهر في حرب والا في سلام
واللبن والزبد في بطن الصميل = ما اطعم الجايع ولا فطر صيام
وش يجيب (الدوم) لغروس النخيل = فرقهن فرق الكرام من اللئام
ومن جلب لاهل الحسا تمرٍ حويل = علموه ان الهزيله ماتسام
حسبنا المولى وهو نعم الوكيل = عالم النيات خلاق الأنام
مانبي منهم كثير ولا قليل =ولا لنا مقصد ولا غاية مرام
والحظيظ اللي يحسّب للرحيل = باكر ليا لف في مترين خام
مايفيده لا خوي ولا زميل = ولايفيده لاخوال ولاعمام
فانيه والادمي عابر سبيل = اترك اللي فات وانظر للأمام
والمهايط والحكي ماله ذبيل = مارفع طامن ولاطمن سنام
والشعير يكال بشوال و زبيل = والذهب محسوب بالملي جرام
والكلام احيان احد من الصقيل = يتلف الارواح ويقص العظام
والصبر طيب لو انه حنظليل = والعفو والصفح من طبع الكرام
استغلوا فرصة الشهر الفضيل = افتحوا صفحة محبه وانسجام

وسلامتكم ... وكل عام والجميع بخير ...

[علي الحسني]

أرحب ياخليل

كل عام وأنت بخير ونسأل أن يبلغنا وايا الشهر الفضيل وأن يعيننا على صيامه وقيامة

أحسنت بارك الله فيك على الكلام الطيب


دام تألقلك

وتقبل مني أطيب التحايا

[( حايره )]

كلمات تلامس كل قلب وعقل

كلمات أتت مثل الصرخة التي توقظ القلوب

تجعلنا نتلفت حولنا لنرى ماذا قدّمنا

وكيف هو إستعدادنا للرحيل


أستاذي
ألف صح لسانك
على هذه القصيدة التي سيكون لها
أثر كبير على النفوس

لا هنت

[حماد القريني]

صح لسانك وجاد نظمك

لاهنت ولاهان راسك

تحياااتي

[مزون المحمد]

خليل الشبرمي


صح لسانك على هذه الشامخة


ولاهان حضورك

خ ـليـــــل الشبرمي



نص راقي وجميل


صح احساسكـ ولسانكـ

لهذا النص الرائع


إيمــــــان

[الدانه]

صح الله لسانك




ولاهنت




تحياتي
الدانه

[قديم الشوق]

ومن جلب لاهل الحسا تمرٍ حويل
..................علموه ان الهزيلة ماتسام


أخي الغالي / خليل الشبرمي ..

أشهد بالله إنك مبدع

صح لسانك وانا اخوك

قصيدة أكثر من رائعة من شاعر مبدع وغني عن التعريف

شكرا ً لك من الأعماق

وتقبل خالص تحياتي

أخوك / قديم الشوق

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[عبدالرحمن بن عمير]

الشاعر


خليل


صح السانك ملايين ابدعت في صياغتهاا



لله دررك


تحيتي لك