ما أمداني أفرح فيكـ !!!

عبدالله الدوسري · 20-09-2006, 02:37 AM

ما امداني افرح فيك لا يا خساره=قفيت عني و المشاعر ترجّاك
وشلون طافت ياللبيب الإشاره=كيف اعتذر للقلب لا جاب ذكراك
وشلون اطفي عنك شوقي و ناره=وشلون انا بأكف وردي على ماك
وشلون اغيّر خاطري عن مساره=وشلون أكفكف دمعة تطلب رضاك
من أول بكفك تخف الحراره=و يطيب جرحي لا تبسّمت بشفاك
معك عرفت اللي يسمّى إثاره=و أطرب إلا من قلت لي يالغلا( باك)
وش خانة الدنيا و وِش هي الأماره=يا سعد من حظّه تلوّى بشرواك
و الله لولا اني براسي نعاره=و أخاف من كلمه تحسّك و تشناك
لأسوق نفس ما هدفها التجاره=و أسري على ذيبٍ من حماك سرّاك
عشان تبطي ما تمدّ البشاره=و تحس في ذنبٍ جنيته بيمناك

محمد بن مشاري · 20-09-2006, 06:32 AM

فوق السحاب ياعبدالله

الله عليك يالغلا

صح لسانك ولاهنت

وصح فكرك على هالشامخه

سعدت بمعانقتها وفي انتظار الجديد ويامال العافيه

تحياتي لـك

( حايره ) · 20-09-2006, 08:05 AM

كل مشاعر القهر والأسى تكتنفنا عندما

يرحل من نحب ... عندما يرحل ويترك لنا

آلام وجروح لن يداويها الزمن

أستاذي
ألف صح لسانك
ولا هنت

دام بوحك ... وطابت جروحك