بيـــــــــــــان !!!

[عبدالله الدوسري]

بديت بسم اللي على العرش إعتلى=منزّل القرآن بالبرهاني
اللي رفع سبع السموات العلا=من دون لا جسرٍ و لا عمداني
الأرض مهّدها و خزّن ماها=حرّك هواها و أنبتت الأغصاني
أطلق طيور الجو فيها و البحر=تمشي السفينه فيه بالليحاني
الواحد اللي ما تعد أفضاله=الحمد له و الشكر و العرفاني
أرسل نبيّه رحمة لعباده=محمد المبعوث لإنس و جاني
الرابح اللي يقتدي في سنّته=يفوز بالجنات و الرضواني
يمشي على أمره يهتدي بأقواله=متمّم الأخلاق والأدياني
يا رب ورّدنا حياض الجنه=مع الصحابة سادة الميداني
اللي لزوم نتّصف بصفاتهم=و ننشر فضايلهم عبر الأزماني
و نكون بين مهاجر و مناصر=و نبلّغ التوحيد في الأوطاني
أمة محمد سمّيت خير أمه=إن كان هي دستورها القرآني
الله أكبر وين ذيك العزة=إلى متى و إنا بذا الحقراني
من وين ما نمشي نحصل فتنه=و البر و التقوى بدون أعواني
الدين له سيف و لكن مغمد=متى يسل السيف يالشجعاني
نمحي ديار الكفر و الضلاله=و القدس نخلع منّه الصلباني
و نعيش في مجد مثل ما كنا=في سالفات العصر و الأواني
و يا سامعي و إن كان تبغي الجنة=الدين ما يحذف وراء الأمتاني
دنياك حتى لو تطوّل فيها=شوف المقابر كيف هي ملياني
إحفظ صلاتك ذخرك اللي يبقى=تفزع لك إليا خانك الزماني
آمن بربك خالقك ياإبن آدم=لا قال كن لأي مستحيل كاني
قدّر معاشك و أنت في بطن أمك=و العمر لا زود و لا نقصاني
الرابح اللي لا وضع وسط اللحد=(لا إله إلا الله ) له بميزاني
تحت الثرى يسأل و لا أحد حوله=ما غير هو و يا عمله خلاني
من تصلح أعماله تطيب أحواله=لا خوف لا حزنٍ و لا خسراني
و يحط قبره روضة من جنة=و إلا غدى حفره من النيراني
كل محله لا قيام الساعة=الساعة اللي كم لها من شاني
فيها السماء تنشق بأمر الوالي=و يجيك منها ينتشر دخاني
يصعق جميع الخلق ثم يبعث=خلق جديد يرجع لْما كاني
يصلب تحت شمس تقّرب منّه=لين العرق يلجم به الإنساني
خمسين ألف من السنين مهدد=كون يجيء ما هوب في الأكواني
ينصون عقب العرض سيّد الأمة=يشفع لهم بالحق و الميزاني
كل يدوّر له زيادة حسنة=و يا سعد راعي ذرة الإيماني
بأنصحك يا مسلم تفقد نفسك=و فتّش على بيتك من الأدراني
و أبوك و أمك فضلهم متقدم=كم مرة شلّوك في الأحظاني
لا تبتعد عنهم و هم يرجونك=و إخضع لهم يا قرة الأعياني
و حاذور منك تبور في خويّك=لا خير في من بار في الصحباني
و إحشم قصير البيت و إرفع شانه=أكرمه جار البيت ما ينهاني
و الضيف ضيف الله اذا جاك أكرمه=يحبه الله مكرم الضيفاني
و إحذر لسانك لا تساهل منه=تراه ساس الوصل و الحرماني
أصدق ترى الصادق ينجي نفسه=لا ضاع راعي الزور و البهتاني
و مسكين ياللي عايش في غفلة=لا يعرف الحلقة ولا الآذاني
إبليس يجمع حزبه لجهنم=والدين يصّّل جنة الدياني
أنصحك و أنصح نفسي الأمارة=نكبّْ دنياً من عليها فاني
نفرّ للي ما يصك أبوابه=و يفرح بتوبة عبده الندماني
من دان نفسه ما تبع هواها=الجاهل اللي يتّّبع ما هاني
إصبر على الدنيا و جاهد نفسك=ما فيه شيء يجيك بالمجاني
حاول ترتب جزء من أوقاتك=تسمع كلام الدين و الإيماني
في مجلس وتحفه الملائكة=يكفيك منّه نظرة الرحمني
و مجالسة الأخيار و أهل الطاعة=هي الثمن لا بارت الأثماني
كما وصف لك في الجليس الصالح=المسك ما يخلط مع الدخاني
والعلم نور يكشف الظلمات=و الجهل ينسف عالي البنياني
وإياك لا تحرم هَلِك من مالك=ولا تحرم المحتاج من الإحساني
كثّر من الطاعات صوم وعمرة=داوم على التهليل و السبحاني
خل التواضع دايم من طبعك=ترى التكبّر مدخل الشيطاني
قدّر كبير السن و أهل المعرفة=و خلّك رحوم و لا تجيء لعّاني
و إقنع بما في إيديك و إرضْ و تغتني=و أستر على اللي مبتلى و تصاني
بيّنت لك مما يجول بخاطري=خذ النصيحة وإحفظ الأركاني
هذا و صلى الله على اللي وصّى=قال (الصلاة و ما ملكت الأيماني)
اللهم صلّ عليه و سلّّم=صلوّا على محمد و ذا بياني
يقوله اللي مستعينٍ بالله=عبدالله ابن صالح الحقباني

[علي بن مشرف]

ماشاءالله ماشاءالله


ياعبدلله الدوسري


صح الله لسانك قصيدة بحر من الإبداع


سرّني أن أكون أول المصافحين لهذه الفاتنه

[فهد الدباسي]

عبدالله الدوسري



بيانٌ رائعٌ و متميز


فـ أنت هنا كـ من يكتب بياناً يثبتُ فيه إبداعه و تجليه



صح لسانك و لاهنت

تقبل تحياتي

[حمد فرحان]

عبدالله الدوسري

بيان صدر من مبدع

قصيده سلسه بيانيه رائعه

تسلم يمينك

تحياتي

[عبدالله الدوسري]

ابن مشرف




شكرا لك أخي علي



و انا اكثر سرورا



لا هنت،،،

[حماد القريني]

صح لسانك وجاد نظمك

لاهنت ولاهان راسك

تحياااتي

[مزون المحمد]

عبدالله الدوسري


حضور رائع جداً


صح لسانك .. ولاهنت أخوي

[محمد الفرحان]

.

.

شاعرنا

عبدالله الدوسري
.

.

صح لسانك مليون ولايكفون

.

.

ابداع وتميز غير مستغرب من شاعر

بحجمك . .

.

.

دمت بهذا الحضور الطاغي . . .

.

.

ولاعدمنا تواجدك

.

.
تقبل فائق تقديري واحترامي

عبد الله الدوسري




.

.


.



هلا وغلا شاعرنا المبدع


نص راقي غارق بالجمال





.
.
.


صح احساسكـ ونبضكـ

ودمت لنا نقاء لاينتهي مدادهـ



إيمـــــــــان

[همسات القلب]

الدوســــــــــري

الاستاذ الرائع

وهذا الفيض من العطاء

وتلك البئر اليانع بابدع المعانى

وهذا النهر الذى لا ينضب

سيدى

لله درك

وروائعك

وجمال حرفك

وبهاء حضورك واشراقتك

دمت شاعرنا المميز

ودمت هذا القلب المرهف


همسات قلب