اضحــك ^^مع^^ الشـــعر

[محمد الفرحان]

.

.

التجنيد الاجباري :

عندما لم يحصل هذا العسكري على اجازة لقضاء العيد قرر الهرب من المعسكر

ولكنه كان بحاجة لرفيق يساعده على ذلك فأعلن عن رغبته لزملاءه عارضا تحمله

لاي جزاء قد يصدر بحقه فقال :

منهو خويي نهار العيد = مرخوص والا على كيسي

,

ومن قصائد التجنيد قول الشاعر مخاطبا عريفه المسمى حمود :

وش قولتك ياعريف حمود = بالطلعـــه اللي بغيناها
اذا اتصل بي نعيم العــود = طوفتك هذي طمرناها

,

ومن هذا القبيل قول الشاعر سعد الفغم :

علمونا مشية البط بالساحه = كل يومٍ لازم إنّا نسويها

[محمد الفرحان]

.

.

تهرب مالي :

حاول الشاعر سليمان الطويل التهرب من دائنه المسمى شبيب بالالتجاء

للمسجد وماترك فرض ولا نافله الا صلاها ليطيل في ذلك املا في ذهاب

شبيب عنه ولكن دون جدوى .. وحين اتم صلاته قال :

صليت بالجامع وسبحت تسعيـن=مع كثرهـن واتبعتهـن بتهليلـه
وقريت عـمّ والمدثـر وياسيـن=ادخل على الله مايخيـب دخيلـه
وقريت وِردي عن جميع الشياطين=وشبيب ماسوى به الـورد حيلـه

[محمد الفرحان]

.

.


خطأ قاتل :

تعرض الشاعر راعي الملحا لاصابات بليغه بسبب ترديده لاسم محبوبته

وهو نائم في فراش الزوجيه وهنا يشرح ماتعرض له :

ناديت باسمك وانا مع زوجتي راقد=لين رفستني على بطني برجليهـا
وسويت نفسي مثقف واعي وناقد=واقول عادي مصير الوقت يرضيها
ويم كفختني طراق وصحت انا حاقد=الله يلعن غـلاك ويكسـر يديهـا
واحترت انا وين ابلقى لي بدل فاقد=ولقيت وحده تهزز لـي علابيهـا

[محمد الفرحان]

.

.

سطو على البنك :

الشاعر حمود البغيلي فكر في سرقة البنك ولكنه احتار في النهاية ..

لننظر ماذا يقول :

فكرت مرّه اسرق البنك واعتـاش=وصممت من قلبي انفـذ قـراري
وجهزت نفسي في مسدس ورشاش=ثم استعديـت لجميـع الطـواري
لكن قبل لا اسرق البنك وانحـاش=احترت بين المركـزي والتجـاري

[محمد الفرحان]

.

.

سبانيش باباي :

عابرة سبيل تريد ان تعطي حبيبها سبانيش باباي

ليصبح قويا ويفعل ماتأمره به ..

انظر ماذا تريد :

ياناس وين سبانيش باباي=بعطيه خـلٍ نقـل همّـي
حتى يصارع جميع اعداي=واول مايذبح ولـد عمّـي

[محمد الفرحان]

.

.

انتقام بشع :

لا أحد يعلم مالذي دعا الشاعر عبدالرحمن الحربي الى

الدعاء بكل هذه الامراض على حبيبته ..

ولكن ربما لديه سببه :

شخصٍ هويته جعل ربـي يسلّـه=أصعب شلل ويكون مايوجد دواه
والا برص يضفي على الجسم كله=يبدا بوجهه ثم يمشي على اعضاه
والا مرض طاعون حتـى يفلـه=يسمع علاجه بس من دون يلقاه
ويصاب بالسكر وجسمـه يسلـه=حتى المشي بالرجل ماعاد يقـواه
اللي بلاني وانتقـل مـن محلّـه=وأنكر عهودٍ كانت العام ممضـاه

[محمد الفرحان]

.

.

عابرة سبيل والريجيم :

رغم نجاح ريجيمها فان ذلك لم يؤثر على

على نظرة محبوبها لها كثيرا :

جا يعيرني يقـول انتـي متيـن=حلقـك المفتـوح لازم نغلـقـه
هيـه يادبّـه لـزوم تخفّفـيـن=والا اثوّر فيك عشريـن فشقـه
وفي رجيمي استمريت سنتيـن=جدي اللي مات قاربـت الحقـه
ويش رايك ؟ قلتها بصوتٍ حزين=قـال دبّـه وانقلبتـي لسلـقـه

[محمد الفرحان]

شيخوخة الزوج :

كان زوجها يهددها بالزواج من اخرى ولكنها لم

تلاحظ مقومات ذلك (افهموها عاد )

المهم هي انشدت وقالت:

العام تبغى لك من البيض ثنتيـن=ايضا وتبغى لك عليهـن زيـاده
ومثلك الى منّه وصل عام سبعين=يروح مخّه مثـل مـخ الجـراده
لايقضي الحاجه ولا يوفي الديـن=وش عاد لو عطّرت فرش الوساده
والله مالوم العود مير الكبر شيـن=العود جاتـه خلّتـه مـن زنـاده

[محمد الفرحان]

.

.

ليلة الدخله :

تمر السنوات على الزواج وتبرد العواطف ولذا تفشل

اغلب محاولات الزوجة لاعادة مامضى :

تقول شفني لبست الثوب=اللي علي ليلـة الدخلـه
ابيك ترجع معي وتذوب=يوم الاحاسيس مشتعلـه
قلت الزمن مايجي مقلوب=ودّعـت الايـام ياخبلـه
ليلة أنس عقبها متعوب=ويامصخها تالي الرحلـه

[محمد الفرحان]

.

.

الحبيب الخبل

لعابرة سبيل ايضا حيث يعجبها خبال حبيبها
وتشتاق له وتقول :

ياخبلي الغايب متى تردّ للعي=متى أشوفك أو تجيني رساله
صحيح بالدنيا خبولٍ كثيرين=لكن خبالك ياحياتـي لحالـه