اول مشاركة اتمنى تحوز على رضاكم

[فهد حمود الراشد]

بسم الله الرحمن الرحيم

اخواني واخواتي اعضاء منتديات منابع الادبيه

لي الشرف بالانضمام لكم عبر هذه المنتديات واتمنى اني اقدم شي يعجبكم
وهذه اول مشاركه لي واتمنى تحوز على رضاكم



الهــم فــي قلبــي له أيام موجــود
......كن الضلوع العوج صارت مقرّه

بيـــن الحنــايا صار له دار وحـدود
......كــــل الهواجيـــس الغريبـه تمرّه

تمــرني ذكــراه وتـــروح وتعــــود
...... تزورنــي فاليــوم عشريـــن مرّه

تاخذني الذكــرى ليا هبّــت النـــود
...... وأوصـــل معاها ليـن حد المجرّه

ذكــرى حبيــبٍ فالحشــا حبّه يزود
...... ماينخفــض حبــه ولو ربـــع ذرّه

أسهر بليلي وأكثــر العالــم رقـود
......ولا أحدٍ درى فالقلب واللي يحرّه

القلب من فرقا المواليف مضهود
......فـــي كـــل صبح وليل يزداد حرّه

عنده خبر في حالتي ليّــن العـــود
......والله مالـــه مـــن غيابه مسـرّه

حاولت أجازي صدّه اليـوم بصدود
......وأكتم جروحٍ فالحشــا مستقـرّه

لكــن ليا ناظــرت بعيــونه السـود
......نسيــــت ماكنــي عليـــه أتشرّه

بعيونها شــرٍّ على القلـب مقصود
......ومــن زود حبي له تمنيت شرّه

وسلامتكم

[أكرم التلاوي]

المشاركة الأصلية كتبت بواسطة فهد حمود الراشد

لكــن ليا ناظــرت بعيــونه السـود
......نسيــــت ماكنــي عليـــه أتشرّه

بعيونها شــرٍّ على القلـب مقصود
......ومــن زود حبي له تمنيت شرّه

أخي الكريم فهد حمود الراشد


أهلا ً وسهلا ً ومرحبا ً بك بيننا

نتشرف بإنضمامك لهذا الصرح الجميل

مصافحه أولى رائعه تبشرنا بغيث قادم من الجمال

صح لسانك ولا هنت ولا هان غاليك

أبيات في غاية الروعه

دمت بكل الخير وفي انتظار جديدك

[فهد حمود الراشد]

صح بدنك اخوي اكرم
ومشكور على الكلام الطيب
ولي الشرف بالانضمام لهذا الصرح

[مزون المحمد]

فهد حمود الراشد


حضور نراهن على روعته من أول وهله


لله درك .. وصح لسانك ألف


دمت بتواصل ..

[( حايره )]

فهد


حضور راقي

حضور يجعلنا نطمع بالمزيد

اهلاً بك معنا

وألف صح لسانك

ولا هنت

[لون الثلج]

:

فهد الراشد

ياهلا والله فيك وحضورك..

صح لسـامك

لاهنت يالغالي..

لاتحرمنا من روائعك..

أحترامي لك..

.

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[حماد القريني]

صح لسانك وجاد نظمك

لاهنت ولاهان راسك

تحياااتي

[فهد حمود الراشد]

مزوووووووون المحمد
صح بدنك مكشوره على المرور