رمتني طيبتي بالغدر وانـا بطيبتـي مبلـي

[سطام الشبرمي]

اني على نيه احسب الناس انـا مثلـي=لقيته قلبهم حاقد يـدور لـي علـى الزلـه
رمتني طيبتي بالغدر وانـا بطيبتـي مبلـي=اداري ضحكة اعدائي واشيل من العنا كلـه
وادور للخوي عذر واماشيهـم مثـل ظلـي=واعطيهم وفـا واخـلاص مايلقونـه بملـه
اسايسهم على كيفي ترى ماهوب من هبلـي=واعطيهم ضحكة سنوني وقلبي مابرد غلـه
يحسبوني انا مسكين مايدرون انا وش لـي=اخفي داخل اعماقي كم مليـون مـن علـه
كوتني طعنتي بالظهر من اللي احسبه خلـي=يرمي بدربي اشواك يقول لي زهـره وفلـه
يقول لي فدوتك عيني من الاحقاد يدفن لـي=يظهر ضحكة صفراء يبي يبرد بهـا غلـه
يصب لي قهوة مـره بالفنجـال يقـدم لـي=يدس السم في ماهـا يـدس السـم بالدلـه
اجل وين العرب راحوا طبايعـم توقـد لـي=اجل ماتت عوايدهم ياهوه اصحى من الغفله
انا راسي شمخ عزه من اللي يـدوره ذلـي=انا كلي شموخ وعز و راسي ينعرف اصلـه
تراه فراقكم مقدور واقول يانجمتـي علـي=نجومك ياسما بعيده ولمس الشمس مو سهله
حياتي ارفعي راسك وخلـي حزنـك يولـي=تراي اصعب من مناهم ويكفي منـك الطلـه
تراه اللي مصبرنـي حبيبـي يابعـد كلـي=وربي ماترك عيونك لو ان الناس توقف له

[مشاعل ابراهيم]

أخي ســـــــطام








الله الله الله راااااائعه هالابيات في قمة الروعه








اهنيك على ذوقك الراقي ونهني انفسنا بوجوك معنا







ألف شكر لك على هذه المشاركة الرائعه









تحياتي لك

[سطام الشبرمي]

اختي مشاعل ابراهيم
مرورك كان كافيآ
ليغرز زهره على صفحتي
ما أروع حضورك في تلذذ هذه القصيده
دائمآ سأكون فى أنتظار عطر حروفك
لا عدمناك
دمتي بكل ود
تحياتي

المبدع


سطاام



أبيات رائعة واكثر


صح نبضك واحساسك


إيمان

[مزون المحمد]

سطام الشبرمي

ألف شكر لروعة حضورك

لاهنت

[محمد الفرحان]

.

.

كل الشكر على هذا النقل المميز

وننتظر مشاركاتك القادمة

تقبل فائق تقديري واحترامي

[بروق السحايب]

سطام الشبرمي

ذوق رفيع واختيار موفق

شكرا لعذب مشاركتك