(( أطـــــهـــر مـــــحــــــبـــــه )),,,,

[شهاب الأحمد]

أقول طالت غربتـك سيـدي حيـل=وين أنت مبطي ماسمعنـا سلامـك
ياللـي بهمساتـك تنـام المواويـل=وتصحى بهمساتك وترجـع تنامـك
يمر لك طاري مع سجـت الخيـل=وتمر فـي طاريـك كنـي أمامـك
ياللي افتقدك الشعر والعشق والليـل=الله يديـم رعايـتـك واهتمـامـك
تضحك يجيك الصبح بأحلا التراتيل=بأسعد صباحات النـدى واحترامـك
أحرجت الزهر. ألا احرجت الآكاليل=الورد وينـه يـوم مـر إبتسامـك
واللي عزف لوحة محبتـك للسيـل=هـذاك قمريـك وهـذا حمـامـك
رمشك وحق الكحل في خوة الميـل=نـآدى بنظرآتـك ولبـى هيـامـك
والزعفران اللي إحتضن نية الهيـل=يسريك بإحساسك ويرسـم قوامـك
سلهم وفك رمـوز كتـب الآنآجيـل=إطلق عنان غضايتـك وإحتكامـك
خل المدى بينـك وبيـن التفاصيـل=لما يجيـك اللـي يناسـب مقامـك
أطهر محبه حب فـي حبـه إقتيـل=أفنى غرامـه فيـه يفنـى غرامـك
بحبه فنآءك في مراحـل وتأصيـل=تنظم روحـك لـه قبـل إنظمامـك
أرواح ذابت في وصآل ومواصيـل=وأجساد واقعهـا مسـاك وعلامـك
كنـك تماديـت بغوايتـك للجـيـل=من يوم خليـت الصبابـه مدامـك
من. لازرع وشلون يجني محاصيل=هـذي قناعاتـك وهـذا كـلامـك
وخطاك لدروب اليسر والتساهيـل=آجـارك القيـوم ربـي وأدآمــك
فهمت.مايحتـاج شـرحٍ وتحلـيـل=هذاك أنـت وكنـت كنـي أمآمـك

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[محمد الفرحان]

.

.

رمشك وحق الكحل في خـوة الميـل &نـــآدى بـنـظـرآتـك ولــبــى هـيـامــك

والزعفران اللي إحتضن نية الهيـل &يسريـك بإحساسـك ويـرسـم قـوامـك

.

.

شاعرنا

شهاب الأحمد

.

.

صح لسانك وسلم نبضك وأحساسك

على ماأتحفتنا به من رائع الحروف

وبديع القوافي . .

.

.

دمت مبدعا" بكل حالاتك ولاعدمنا

تواجدك ومعانقة قوافيك. . .

.

.

تقبل فائق تقديري واحترامي

[مشاعل ابراهيم]

أخي شهاب









الله الله عليك كما عودتنا لا تكتب الا الرائع يا راااائع






قصيدة في قمة الروعه من شاعر ولا اااااروع








صح لسانك مليون ولا يكفون








تحياتي

[( حايره )]

الله الله

عليك يا شهاب

قصيدة جميله

وحضور قوي

ألف ألف صح لسانك

ولا هنت
-------
من. لازرع وشلون يجني محاصيـل
هــــذي قـنـاعـاتـك وهــــذا كــلامـــك
-------

[حماد القريني]

صح لسانك وجاد نظمك

لاهنت ولاهان راسك

تحياااتي

[فهد الدباسي]

شهاب الأحمد



نصٌ رائعٌ جداً و متميز


سعدتُ كثيراً بـ قراءته و بـ تواجدهِ هنا



صح لسانك و لاهنت

تقبل تحياتي

[نايف المقاطي]

شهاب الأحمد


صح لسانك وتسلم يمناك

حضور متألق ورائع


تحياتي لك ولقلمك المبدع

غيمار

[فيصل العمري]

بيض الله وجهك

وصح السانك

تحياتي

شاعرنا المبدع




شهاب الأحمــــدي

.
.


نص راقي جميل وقصيدة

شامخة غارقة بالجمال

.
.


كل الود لقلبك

صح إحساسك ونبضك

ودمت لنا نهراً لا ينضب مدادهـ



مودتي

.
.



إيمان