غيض الصبايا

[عبدالرحمن العتيبي]

استميحكم عذرا ان امرر من بين ايديكم هذه القصيده
والتي وجهتها للاخ الشاعر ذيب جمران ( صالح العصيمي )
وعذرا للصبايا

	ياذيب من حبه شربت البهاذيل=من يوم سوى بي هذيك السوايا ماهو بجرح الا جروح وغرابيل=واليوم باقي من جروحه بقايا مدري علامي كل مايظلم الليل=زارتني همومي جيوش وسرايا ياما سهرت اسامر الجدي وسهيل=واجر وناتن بقلبي خفايا اشكي غرام ام الرموش المظاليل=اللي موردني حياض المنايا المهره اللي قلبي الها مداهيل=عطيتها عمري وروحي هدايا طلع غلاها لي خدعه وتمثيل=في حبها يارب تجبر عزايا عسى العوض لي فالليال المقابيل=باللي على ايديها شفاي ودوايا وتحبني وتموت فيني وبالحيل=تعزني على جميع البرايا وازيدها عشق ومحبه وتدليل=واحطها فالقلب بين الحنايا واكتب بها شعري واقوله مواويل=حتى يموتن غيض كل الصبايا

رد الشاعر الاخ صالح العصيمي ( ذيب جمران )

	فاحت دلال الكيف بالبن والهيل=ونوخت في طرق القصيد المطايا يامسندن يمي جزال التماثيل=جاتك جزالن مثلهنه حلايا يالمورقي ياشاعر الهم والويل=دايم تعاني من جروح وكوايا ذقت العنا من لابسات الخلاخيل=بيض البنات مبدلات النوايا الهن على درب الهواوي محابيل=وطرقهن فالحب كله لوايا اسلوبهن مكر ودعايه وتضليل=وقلوبهن بالحقد سود وحوايا والبنت منهن لاهتوت حيلها حيل=تدرس ظروفك من جميع الزوايا وتاخذك بالهرج المنمق وبالقيل= لين انها ترديك ضمن الضحايا ياليتها بالسيف والرمح والخيل=ومقابل الظفران دون الرعايا كان التويت بسد ذباحت الحيل=واخذت حقك من جموع الطنايا لكنها مكر ودعايه وتضليل=طبع البنات مبدلات النوايا

[حمد فرحان]

عبدالرحمن المورقي

صح الله لسانك

يسلم قلبك على هكذا إحساس

ولايهون الشاعر ذيب

فائق تحياتي

[مشاعل ابراهيم]

أخي عبدالرحمن المورقي






الله الله عليك ولا هنت







صــــــح لسانك ولسانك شاعرنا صالح العصيمي






تحياتي لك ولقلمك المبدع

[محمد الفرحان]

.

.

صح لسانك ياشاعرنا القدير عبدالرحمن

المورقي ولايهون الشاعر صالح العصيمي

مساجلة بين الكبار ولااروع

.

.

دمتما بهذه الشاعرية

.

.

تقبل فائق تقديري واحترامي

[( حايره )]

عبد الرحمن المورقي

يجب أن تكون هناك إنتفاضة من الصبايا :)

حتى لا تقوم بإغاضاتهم مرّة ثانيه ;)


ألف ألف صح لسانك

ولا هان الشاعر / صالح العصيمي

[فيصل العمري]

صح لساااانك وسلم الله قلبك

لله درك ..

سجل اعجابي

شاعرنا المبدع




عبد الرحمن المورقي

.
.


نص راقي جميل وقصيدة

شامخة غارقة بالجمال

.
.


كل الود لقلبك

صح إحساسك ونبضك

ودمت لنا نهراً لا ينضب مدادهـ



مودتي

.
.



إيمان

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[فهد الدباسي]

عبدالرحمن المورقي



حضورٌ جميل

و مجاراةٌ جميلة منك و من العصيمي



صح لسانك و لاهنت

تقبل تحياتي

[حماد القريني]

صح لسانك وجاد نظمك

لاهنت ولاهان راسك

تحياااتي