صوتــيه (( عشرةالطير والداب )) صوتيه

[عادل الظفيري]

لم يعد هناك مجال للصمت والتعديه
وكما قيل (( إتق شر الحليم إذا غضب ))
رسالة أوجهها لصاحب الشخصية المزدوجه
من يعتاش خلف عباءة نسائيه

أستودعك ياصاحبي خاطري طاب= طفش رفيقــــك من زيـادة عتابه
طبعي كذا مخلـوق واللـه له أسبـــاب =منته علــى اللـه والـــيٍ في حسابه
إن كنـت ناوي بالمفــارق لـك الباب = خـل الصـــغيـره لاتـــدوّر طلابه
عــاشـرت بالدنيـا قريبين وأغــراب = منتــــه بآخر من نوانى بغيابـه
ناظـر بقلبي من المعانـاة منعـاب = لازلــت أضمّـــد بالحنــايـا صوابـه
كنـــــّي قـــريـت الكون في صفحة كتاب = فيـه القلـم ينهـار عنـد الكتابه
عمرك سمــعت برفقـة الطيـــر والــداب = يامـن تظن الـــروس مثـل الذنابـه
مانـي بطايح كـل مازدت بغيــاب = الكون واسع كل صــدره رحابـه
مبطـي أقول الكـون خالي من أصحاب = دامه مضى عصرالنبي والصحابه
تعبت أراعي عشرةٍ كلها ناب = تنهش قفا الغايب وتطلب ثوابه
ياللي تصف الهرج بأسلوب جذاب = تبدي السؤال ولا تعرف الإجابه
نفسك تموت إن ماحصل يوم تغتاب = وإن قلت به مليون عيب تهقابه
ياشين تسع سنين عرق الحيا شاب = والذيب عود للعوا والمجابه
بأجي لحالي وأنت فزع لك أذناب = وأوعدك أوصّل روحكم للسحابه
وجر الربابه مايسمّى برباب = فهمتها وإلا (( نجدد ثيابه ))
ولاتحــســب إنــــي لاتيتــّمت منصـاب = عمـر الرجل ماكان عـزّه قرابه
كلّي فخـــــر بإنّي من النــاس منهاب = يوم أنـت تجهــل ويش معنى المهابه
وإن كان ظنك بأفقدك فأحسب حسـاب = يكفيك ذكر إسمك أعــدّه جنــابه

عادل الظفيري وريث الجرح

[حسين العنزي]

*عادل الظفيري* وريث الجرحـــــ ـ ـ ـ ـ

وهذا النزف الأصيل المتغلل بالهيبه كم من الشموخ/البائس هنا وكم الحزن المتلطخ بالخيبه ؟؟
شعور يكتبنا لحظة هبوب الشأم إذن من هو سبباً في ذلك أجزم بأنه سوء الحظ ليسترسل البوح من فوهة القلم ليقول ذلك. في لحظة شعورنا وشعورنا بالضنك وكفى .

لله درك .

مودتي وتقديري لك .

[فيصل العمري]

صح لسانك ولاهنت

تقبل فائق الاحترام

[مشاعل ابراهيم]

أخي عادل الظفيري

الله الله عليك ولا هنت
صح لسانك وسلم بنانك على هذه القصيدة الرائعه
لا هنت ولا هان حضورك الرائع
تحياتي

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[محمد الناصر]

نص مليءٌ بالشجن و الروعة

..
قراءته تسر القلب و تسعده

..


عادل الظفيري


لاهنت

[فهد الدباسي]

عادل الظفيري



حضورٌ جميل


و نصٌ ييستحقُ أن نردده دائماً و أبداً لــ واقعيته و انتشاره حالياً



صح لسانك و لاهنت

تقبل تحياتي

[مزون المحمد]

عادل الظفيري


صح لسانك ألف ولاهنت على هالقصيدة


دمت بألف خير

[( حايره )]

قصيدة أتت من عمق التجربة

قصيدة أتت من خبرة السنوات

قصيدة فيها الكثير والكثير من

المعاني الحكيمة


عادل

ألف ألف صح لسانك

ولا هنت

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي