يوم زليت ......جديده

[هواجيس سارة]

اقدم لكم المتواضعه
عسى ان تنال اعجابكم
بعنوان
((يــوم زلـــــيت))

يا صاحبي جيتك ودمعي همايا=جيت اعترف بالذنب يومي تماديت
غلطانَ انا واخطيت ما اكبر خطايا=وارجوك تغفر زلتي يوم زليت
تكفا تسامحني واكرر رجايا= واستحلفك باللي فرض حجة البيت
لا تزيد في بعدك شقاي وعنايا = ولا تاطي جروحي وانا ماتشافيت
فرقاك ذوقني سهوم المنايا=والشاهد الله في غيابك تأذيت
الروح من دونك تهاوت طنايا=وياكثر ماولولت عقبك وونيت
والعين عافت نومها واعمايا=اقضي الليالي بالسهر والتناهيت
والنار زادت بالحنايا وهايا=نار الفراق اللي بها قد تكويت
وضلوع صدري كالحوايا ذوايا=ليتك تشوف الحال وشلون نشيت
ياصاحبي لو منت غاية منايا= ماجيت صوبك لا ولا قد تعنيت
جيتك وانا ادري محْد سوى سوايا = واطلبك تغفر زلتي يوم زليت

اختكم
هواجيس سارة

[فهد حمود الراشد]

صح لسااااااااااااااااااااااااااااااااااااااااااااانك


قصيدة رائعه من شاعره اروع

[( حايره )]

هواجيس ساره


حضور راقي

وقصيدة عانقت السحاب

نتمنى التواصل الدائم

ألف ألف صح لسانك

ولا هنتي

[فهد الدباسي]

هواجيس ساره



نصٌ جميل

و حضورٌ رائع يعانقُ الوجدانَ و المشاعر



صح لسانك أختي

تقبلي تحياتي

[حمد فرحان]

لا تزيـد فـي بعـدك شـقـاي وعنـايـا
ولا تاطي جروحي وانـا ماتشافيـت
فـرقــاك ذوقـنــي سـهــوم المـنـايـا
والشـاهـد الله فــي غيـابـك تـأذيـت


هواجيس ساره


تسلمين على هالقصيده العذبه


صح الله لسانك



فائق تحياتي

[مشاعل ابراهيم]

أختي هواجيس سارة



الله الله كم انت ِ رائعه
قصيدة فاقت الوصف بجمالها
وابيات اسرتنا بعذوبتها
صح لسانك وسلمت يمناك على هذه القصيدة الجميلة
التي بروعه جمالك ورقة تواجدك


تحياتي

[محمد الناصر]

نص مليءٌ بالشجن و الروعة

..
قراءته تسر القلب و تسعده

..





صح لسانك ولاهنتي

[هواجيس سارة]

المشاركة الأصلية كتبت بواسطة فهد حمود الراشد

صح لسااااااااااااااااااااااااااااااااااااااااااااانك


قصيدة رائعه من شاعره اروع

اخي العزيز

بارك الله فيك

شرفني تواجدك الطيب

اختك
هواجيس سارة

[سـعـد الـعـتـيـبـي]

هواجيس ساره


صح لسانك

قصيدة لامست الوجدان رقة وعذوبة

يعطيك العافية

ولك

أحلى التحاايا

[علي عبدالرحمن الأسمري]

صح لسانك اختي
وتسلم يمناك
دمتي بخير