دِنمركي جابـك الله فـي مجالـي

[مقبل الهذيل السرحاني]

بــادي ٍ بالله وبالله اتكـالـي=جلت اسماءه وكملن الصفـات
ابتديت القاف والنظـم ارتجالـي=واشتريت البوك مع حبر الدوات
يانبـي الله لاجلـك لا نـزالـي=نشحذ الهمه في وجـه الطغـاة
الصهايـن حوطونـا بالمجـالـي=واستباحو حرمة الطاهر رفـات
الله اكبر والمعانـي فـي خيالـي=كنها ضبح الخيـول العاديـات
تحرم القيفان واشعـار الدلالـي=والفخر ويا الهجاء مالـه سمـات
ياالهى طالبـك جـزل المقالـي=يا الهى عطنـي القـول الثبـات
يانبـي الله تـفـداك الغـوالـي=واهلنا مع ربعنا لاجلك فـوات
يانبـي الله وعيـونـي همـالـي=حرقةٍ بالقلب والدمع استمـات
علموا تجارنـا واهـل الحمالـي=لا تجاره بيننـا وبيـن العصـاة
ياحمر الخديـن ياعفـن السبالـي=ياربيب الدون يا شبـه البنـات
ماكتبت القاف بوصف لك فعالي=وانت هيس ٍ ماتروم الطايـلات
جيت اريد انبيك بعلوم ٍ سمالـي=جيت اريد انبيك باصلك يالفتات
في اوروبا يوم يغشاك الضلالـي=يوم هجّيتوا من سهام الرمـات
عدل النيا بعـد ماهـي ميالـي=النبي الهاشمـي سـاق الدعـاة
ياصلاح الدين قم واسمع مقالـي=وادري انك مانت راجع للحيات
علْ ذاك القبـر يسقيـه الخيالـي=يوم ضمك كثرت اقوال الوشات
قل لهم من وين جونـا هالحثالـي=يوم ما سويت بالروم السـوات
دِنمركي جابـك الله فـي مجالـي=تحت قصف القيل دهم ٍ موغرات
مابغيته لين ما ضـاق احتمالـي=واحرمن ما قلت من حلو المبات
جبت لك أول طناي وضيق بالي=غيض من فيض الحميّا ونخـوات
ياظنا عمي وربعـي راس مالـي=شدوا الهمه على عفـن النبـات
كملوا ماقلـت بالعلـم المثالـي=وانتم اهل القاف واهل المسرجات
كود اباقف والولي يعلـم بحالـي=إنْ تو ّ النار يضوي له جـذات
واختـم ابياتـي وبالله اتكالـي=يدمح السيّه بعفـو ٍ وحْسنـات

[قصايد]

00 مقبل الهذيل السرحاني 00 00 جزله ... من جزل .. 00 صح لسانك .. وسلم إحساسك 00 كان لي شرف التواجد ... 00 دمت بخير 00

[محمد الفرحان]

.

.

مرحبا يامقبل بعد طول غياب

وحياك الله في محلك . .

.

.

سأعود لإقرأها على مهل

.

.

[دواس البراهيم]

المبدع مقبل الهذيل

نص رائع وجزل

سلمت وسلم راسك
ولعن الله الدنماركيين
ووجبت علينا المقاطعه

سلمت ولاهنت
ونص يحاكي واقع مرير
لاعدمتك

تحيتي

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[فهد الدباسي]

مقبل الهذيل السرحاني



حضورٌ جميل كـ عادتك يا مقبل


هذا النص يستحق الحضور مراتٍ و مرات


سـ أعود

[جمال العتيبي]

الرائع مقبل السرحاني


رائع الله عليك رائع رائع


صح لسانك وكلك لاهنت


تقديري واحترامي

[فيصل العمري]

صح السانك

مليوووووووون ولايكفووووووون

جزله من راس جزل لاهنت

[أحمد الجعيد]

.
.

الباهي /
مقبل السرحاني..

بارك الله..في قلم
وقف..خادما ً للدين

صح قلبك / كلك

.
.

ودمت بحب...//

[شيمة]

.

.



هيه والله جابه الله /..
يوم دعت عليه امه ..!




مجبل الخير .. لاعدمتك ياخير .