قصيده تستحق الوقوف عندها __ ل محمد مريبد العازمي

[خالد ماطر]

اعتقد شخصياً انه لا يزال الشعر الحقيقي الجزل بخير عندما نرى نصاً كهذا النص المليء

بالابداع 000


لفيلسوف الشعر ( محمد مريبد العـازمي )

العمر فرصه والحياه ايام والدنيا ظروف =والمشتبه فالامر ما بين الحرام من الحلال
والشعر ديوان العرب وانا بشعري فيلسوف= أترك أدقاق الشعر وأنقى من معانيه الجزال
والبارحه صدرالجنوب يضيق وتسوق الحسوف =وين أنت يا صدرالشمال أحتجت للفزعه تعال
وردت مجاهيم الليال أحيام ورياحي شعوف = من يوم وقفني بدرب العشق يسألني سؤال
وأقوله بيني وبينه يا عسا الحب مخلوف = ان مارجع ربحه علي الله يرده راس مال
كم لي وأنا تكويني الدنيا على روس الكتوف = وأشيل ما لا أطيق من شانك وأحمله الجبال
ومديت لك ريحانة الاشواق في بيض الكفوف = قبل يجف العطر والاوراق تدفنها الرمال
وقفتني بالشارع الضيّق وممنوع الوقوف = مسار واحد والمصيبه لا يمين ولا شمال
تقول طوّفها معي واقول عيت لا تطوف = اجيبها منا تجي منا و لا فيها مجـــــال
الحب ما ينفع معه فزعه ولا واو معطوف = الحب لو زالت جبال الارض ذكره لا يزال
يرقا على رجم الغرام ويخدمه نبض الحروف= اشوي من نسج الغلا واشوي من نسج الخيال
وش عاد لو غنيت طاروقك وصفيت الصفوف = صفٍ يبا ياقف معي وصفٍ اليا من رحت شال
والله لتبطي ما وصلت ادنى مواصيل الهنوف = الجادل اللي دمعها لارحت والا جيت سال
الجادل اللي طيفها عندي ولا كل الطيوف = ام الحلا / ام الغلا/ ام الدلع / ام الـــدلال
اللي هداياها ملت كل الزوايا والرفوف = يطلع ابطلتها بدر ويغيب لا غابت هلال
وانا اقدرها مثل تقدير حاتم للضيوف = وأطرب على فيّة غلاها كل ما مال الظلال
واعيشها عيشة عمر مابين أمن وبين خوف = وازرع لها شعري وهي تسقيه من غيث الوصال
حتى خذتني عشق وانا خذتها رغم الانوف = واسكنتها روحٍ عن أهروج البشر منفى اعتقال
والا أنت قربك ما يشجعني وفرقاك امعروف = أقلط على نزف الشعر والفال يقفاه العقال
حتى لو أنت ألذ من تمر المدينه والهفوف = أرحل ترى أيامك خضر لكن ترى أسنينك اهزال
وفر أدموعك دام دمعك مر والدرب امحفوف= جعلك فدا من هلت ادموعه علشان ابتهال

المبدع (محمد مريبد العازمي )

منقـــــــول ,,,,

[( حايره )]

الله الله

خااااااااااااااالد

ألف ألف تحيه وشكر على إختيارك الراااائع

والشاعر الفيلسوف كان بحق قنبلة شعريه موقوته

أنفجرت هذه القنبلة على مسرح شاطيء الراحة

لنكتشف نجم قادم بقوه ... ونجم لم يصنعه الإعلام

بل صنع لنفسه خط النجومية بجزالة قصائده وطريقة ألقاءه المتميزة بالهدوووء

أتمنى له التوفيق

[بسـام بن عبدالعزيـز]

خالد

عزالله ذوقك جزل

فعلاً الشاعر محمد مريبد من الشعراء اللي أثبتوا نفسهم

وأنا شخصياً من المعجبين فيـه

وتوقعت حصوله على المركز الثاني بعد الشاعر إبن فطيس

بس للأسف كان لعملية التصويت (اللي ماني مقتنع فيها) دور كبير !

تحياتي لك يالخوي

وتسلم يمينك على هالنقل الرائع


احترامي

[بروق السحايب]

خالد

أشكرك بعمق على هذه التحفة الفنية التي أمتعتني بقراءتها

استوقفتني مرارا لإعادة قراءتها

تسلم ويسلم قائلها

ولا تحرمنا من اختياراتك الذوق ياكل الذوق خالد

[مشاعل ابراهيم]

الله الله يا خالد
اختيار رااائع
سلمت يمناك ياخوي
والف شكر لك على هذه المشاركة الجميلة


تحياتي

[عبدالله جواد]

صح لسانك و ننتظر جديدك

[محمد الفرحان]

.

.

بالفعل قصيدة تستحق الوقوف عندها

كل الشكر لك اخي خالد على وضعها

في هذا القسم . .

.

.

لاعدمنا حضورك

.

.

تقبل فائق تقديري واحترامي

[مزون المحمد]

قصيدة لشاعر كان الحصان الأسود في المسابقة


صح الله لسانه وسلمت يدك على النقل


ألف شكر أخي خالد

[خالد ماطر]

العزيزه ..// حايره ..


الف شكر لعبق مرورك ../

وبالفعل الفيلسوف أثبت لنا بما لايدع للشك أنه رمز للشعر الحقيقي الجزل ..

وعذراً على تأخري بالرد ../

ودمت بــود ../

[خالد ماطر]

الخوي ../ بسام بن عبدالعزيز

تشرفت بعبق مرورك الطيب ..

وتعرف يابسام بالبرنامج وطبيعته ؟؟ وكيفيه التصويت به ؟؟

والرابح هو نحن أولاً بما قدمه هذا المبدع من روائع..

دمت بالقلب ../

وعذراً على تأخري بالرد ../