الغاووووويــه // مصافحه ..!!؟

[محمد الطويان]

الاحبه جميعا

في هذا المولود الادبي الرائع بكم

السلام عليكم ورحمة الله وبركاته

كل بإسمه

وأسعد الله جميع أوقاتكم بالخير والسرور

في البدء لايسعي إلا أن أقدم إعتذاري إن تأخرت بإجابة الدعوه

لظروفي ويسرني أن أواكب هذه الكوكبه الادبيه الرائعه وأحمد الله

أن هيئ لي ذلك وأشكر الاخوه / فهد الدباسي ومحمد الفرحان

موصولا للزميله الشاعره الكبيره / دانة الجوف وأشكر لهم حرصهم

على شخصي المتواضع .

( الغاويه ) أضعها بين أيديكم غنت برأسي وأتمنى أن تنال إعجابكم

وقبلها هذا الارتجال البسيط تفضلوا :

ياسلام الله عليكم والتحيه = يامنابع طيب وحروف وركاده
بالتحيه جيت من نجد العذيه = تاصل الاعضاء وكل ٍ في بلاده
مثل فوح العطر وإلا الشاذليه = سقتها من طيب والسكر زياده

وإليكم //

يامرحبا من وجـد وإحسـاس شاعـر=يلعـب علـى أوتـار المعانـي بقلبـه
يامرحبـا وأهليـن وش أنـت فاكـر ؟=يمر صوتـك والحشـا مـا لعـب بـه
ياحـي حيانـي دفـعـت المشـاعـر=للوجـد فــوح وللمـواويـل هـبّـه
ياهووووووووه واللي بالسما فوق ساتر=مسلـم ويحلـف لـك ويقسـم بربّـه
إنـك ملكـت الصـب والوقـت غـابر=كـذا كــذا وإلا بحـبّـه وحـبّـه !!
حنـا الرجـال أهـل الوفـا والاكابـر=يمـوت مثلـي ماشكـى الوقـت حبّـه
ياهـووووووه مثلـي بالغـلا مايكابـر=يجيـك كلـه مانقـص مـنـه حـبـه
حنـا رجـال العـرف وأهـل المنابـر=نفـرق عـن اللـي مايهـاب المسبّـه
لايابعد عمـري هـاك الصـوت آسـر=شَـبْ الحنيـن بخافـق الـروح شبّـه
الله وأمانـه مــن حنيـنـي تنـاثـر=دمـع العيـون وموقهـا وجـدْ صبّـه
هـذا الغـلا سـد ٍ يخـون المعـابـر=مخـارجـه درب الـولـع والمحـبـه
ياهووووووه خذ قلبـي وكلـي وسافـر=لأبعـد بحـر مافيـه غيـرك يطـبـه
في خافق ٍ يكسـر مـن الوجـد خاطـر=وإركب شراع ٍ بس صوتك ركـب بـه
محتاج لـك ضامـي وخابـرك خابـر=لا يابعـد كـل البشـر وأنـت سـبّـه
لاجيت لك حاضـر وأنـا أقـول تآمـر=أرخ اللثـام شـوي وشــوي ذبّــه
ماني بقايل ( كيس مي ) وأنـت خابـر=إني بقول أمووووووووت في ربع (حبّه)

والتحيه للجميع

[عبدالرحمن القاضي]

الشاعر
محمد الطويان
نص ولااروع
تحيتي
عبدالرحمن القاضي

[جمال العتيبي]

محمد الطويان

:

:

نص فاخر ورائع وجميل

:

صح لسانك مليون ولايسدون

:


احترامي

[فهد الدباسي]

أبو زايد


ياهلا و مرحبا


شرفتنا يا وافي و لو طال الإنتظار




لي عودة لـ هذا النص الراقي يا وفي

[مزون المحمد]

.
.

حضور أول


ولي عوده


.
.

[فيصل العمري]

صح لسانك يالقرم ولاهنت

استمتعنا بهذه اللوحه الشعرية الرائعه

تحياتي

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[محمد الفرحان]

.

.

مرحبا ملايين بك استاذي محمد الطويان

شاعر علم وأديب وكاتب كنت ومازلت

من جمهوره ومتابعيه . .

اهلا بك في منابع الأدبيه التي تشرفت

بتواجدك وحضورك . .

وكل الشكر على تشريفنا بهذا الحضور

الذي نسعد به ونطرب له . .

ومكانك العيون والقلوب قبل المنتدى . . .

.

.

حضور للترحيب وسيكون لي عوده ان شاء الله

.

.

دمت كماتحب

.

.

تقبل فائق تقديري واحترامي

[أحمد الجعيد]

.
.

الياهي /
محمد الطويان..

شاعر..له بالقلب الكثير
وقصيده..لها بالذاكره مناظر الخلود

صح قلبك / كلك

.
.

ودمت بحب...//

[همسة غلا]

ولا اجمل


تحية تقدير

وترحيب بحضورك وامتاعنا